點擊圖片放大 +2 Dolly Wink每次出新既產品都會燃起我既購買慾 而今次就購入左眉gel。 話說一直都心思思想買，但點解會忽然決定要買？ 其實係最近見到個朋友， 佢就同我講“妳頭髮咁淺色，但堂眉就黑色，有D怪...” 所以我係當日即刻係莎莎買左尼枝眉gel喇。 以前我係有漂眉既習慣，但有時失手就會漂到超金色，好似冇左堂眉咁。 媽媽好唔中意所以我就放棄左漂眉尼個習慣。 好喇講番枝眉gel 先，我購入既係 3號色(COCOA)係最深色＄89。 講下包裝上建議既用法先: 從眉頭至眉尾方向輕輕掃上眉毛表面即可。 未用前： 用後：（睇到個分別嗎，好難影） 用後感：用左眉gel後，眉毛跟頭髮既顏色變得比較接近。 眉毛亦變得冇咁散，個形會靚D。但如果可以出比3號更深既色就好喇。 因為我冇用過其他牌子既眉gel所以冇得比較， 但我好喜歡尼個產品喔！！！包裝又可愛，小翼又靚。
