最近有位中年朋友分享，公司請咗幾個00後嘅新人，發現中年人同佢哋溝通，好似學緊一門新嘅外語。場景一：工作匯報朋友：「今日個project進度點呀？」00後同事：「穩啦～」朋友：「穩？即係好定唔好呀？」00後同事：「就係穩囉，冇事發生咁解。」朋友：「...咁即係冇進度？」原來「穩」係「穩定」嘅簡稱，即係「冇乜特別嘢發生，一切正常」。但係我和朋友個年代，「穩」係用嚟形容張凳唔會搖，唔係用嚟形容工作進度㗎大佬。場景二：午餐時間朋友：「一陣食咩好？」00後同事：「食個頹飯啦。」朋友：「頹飯？即係頹廢嘅飯？咁慘？」00後同事：「唔係呀，就係求其食啲嘢咁解。」朋友：「...咁你直接講『求其食』咪得囉。」後來朋友先知道，「頹」已經進化到可以形容任何「唔使諗、唔使揀、求其就得」嘅狀態。頹飯、頹look、頹mode...我諗我朋友而家成個人就係一個「頹」字嘅最佳演繹。場景三：工作評價朋友：「你覺得呢個設計點？」00後同事：「幾chill喎。」朋友：「Chill？即係凍？要唔要開暖氣？」00後同事：「...唔係呀，就係幾輕鬆、幾舒服嘅感覺。」朋友：「哦～即係『幾好』啦？」「Chill」呢個字真係神奇，佢可以形容天氣、音樂、氣氛，甚至係一個設計。但係對我朋友嚟講，「chill」永遠都係同雪櫃有關。有次朋友send咗個「👍」俾個00後同事，佢問朋友：「係咪我做得唔好？」朋友話：「唔係呀，你做得好好呀!」佢話：「哦，而家👍係for收到㗎啦，做得好要用🔥。」可能令中年人困惑嘅表情符號語言：- 👍 = 收到，明白（唔係「做得好」）- 🥺 = 拜託（唔係喊緊）- 💀 = 笑死（真係唔明點解笑會同骷髏頭有關）仲有啲永遠都記唔到嘅縮寫：- tbh = to be honest（坦白講）- idk = I don't know（我唔知）- fr = for real（認真？）- cap = 講大話（點解cap會係講大話？帽同大話有咩關係？）最慘係，當中年人終於學識咗「yyds」（永遠的神），00後佢哋已經轉咗用「絕絕子」。當中年人學識「絕絕子」，00後又開始用「泰酷辣」。結論係時代變，語言變，但係代溝永遠都存在。可能再過多十年，而家嘅00後都會睇唔明10後講緊乜。但係換個角度諗，只要有心去學，終於明佢哋講緊乜嘅時候，嗰種成就感，真係...yyds！
