離開 Stables Market 嘅熱鬧喧囂，我哋轉個彎，走到一條節奏完全唔同嘅路——Regent's Canal。 呢條運河，唔係為旅客而設，佢本來就係倫敦市民生活入面自然流動嘅一部分。只不過，當你真係慢低腳步去行，會發現，佢溫柔得令人唔捨得離開。柳樹垂到水面，輕輕拍打船身，好似想同每個路過嘅人講句「唔使趕住走。」**水上小鎮的日常｜比市集更迷人的地方** 由 Camden Market 出發，踏上鐵橋，一邊係人聲鼎沸嘅攤檔，一邊係水面倒影著柳樹與船屋。而遊人，則可以搭乘「London Waterbus」，順著 Regent's Canal 緩慢前行，一邊行，一邊聽著水聲與船槳拍打運河的節奏，係一種非常倫敦式的「偷懶」。**手動開閘的體驗｜一幕現場上演的「慢工程」**我哋見到有艘窄身船（Narrowboat）正準備通過運河水閘（Lock）。佢哋必須自己落船，手動打開閘門，然後靠水位變化讓船慢慢升高或降低，才能順利通過。點擊圖片放大 +3 呢一幕，唔止係一個工程操作，係一場「一家人一齊將節奏調慢」的生活練習。每一個動作都好紮實，好踏實。呢一幕，就係 Regent’s Canal 最打動人心嘅地方。太太望住話：「咁樣行船，好似會慢慢將心情調到 ‘0’。」行得累咗，邊走邊食喺 Yorkshire Burrito 買嘅熱辣辣肉卷，靠在運河邊的鐵欄杆，望住水面船隻慢慢駛過。此時的倫敦，係喧鬧中的寧靜。 而橋下、巷尾，係一幅幅充滿生命力的塗鴉牆，五顏六色，像係 Camden Market 嘅藝術延續，但多咗一份街頭真味。 **倫敦的第二面**我哋覺得 Regent’s Canal 並唔係旅遊景點，而係倫敦生活另一面。一條唔催趕你行路速度的水道，一個唔為打卡而存在的角落，但卻會令人記得好耐的地方。
