那天去 Notting Hill 並無特別目的，只是行下拍拍照。但當我哋經過一間紅色小店，突然被吸引停下腳步。原來這間叫做 Books for Cooks 的書店，不止賣書，仲會"煮書"。 走入書店，感覺像誤闖一位收藏癖媽媽的廚房與書房。書櫃裡除了食譜，還有陶瓷器皿、玻璃碗、香料瓶⋯⋯全世界的味道，好像都藏在這幾百平方呎裡。 最驚喜係書店後方，竟然有個開放式小廚房，貼住紅白格枱布，牆上掛著一些鍋鏟，天窗透入自然光，整個空間好溫暖。據說書店會不定期選幾本書，親自煮裡面嘅食譜。 太太邊翻書邊笑：「其實我都唔係真係想煮，只係想幻想吓自己會煮，會整甜品，會生活得好似書裡面咁。」我聽完唔出聲，只係默默拿咗本關於 Pasta 嘅書，心諗：有時一本書，唔係用嚟學，而係用嚟治癒。 離開時，太陽斜斜照住書店門前。紅色牆身在陽光下特別有溫度。那種「倫敦式的靜」——忙碌城市裡，一杯茶、一頁書、一口甜品都可以是獎賞。
