今年1月，100毛攪了一個分獎典禮，還不夠半年，就再來一個台慶，加上閒時的網上製作及雜誌，想起來：「嘩！都唔嘢少！」 做創作，是一件好難捉摸的事。有影相，畫畫，寫文的谷友也知。有時，爆Like爆Share的作品，或者好蹺的出現，完全是因為「嗰吓爆出來」，但「嗰吓」通常於什麼時間出現，無人知。但一出現，就要捉緊，寫出來，就好似「馬國明休息」「OLD嬋天王姨」「肚仔大個波」這些經典標題 好的創作，並不是「擠梘液」，可以不停擠，不停「射」，擠得快，射得快。「你估諗10條蹺出嚟，條條出到街，都真係會好有反應嘅咩？分分鐘你度10條蹺出泥，都無條岩用！」一位做廣告的朋友道。所以，有時聽到身邊朋友說：「嘩，高登某個故仔好高點擊喎，你都照跟住寫啦！」「嘩，佢D嘢幾掂喎，你都照跟住試啦」，但自己心入面，只可以講：「你又知唔知人哋花咗幾多時間去諗去度呢！」 創作的過程，如果時間夠，那一定想到一些令人笑到XX聲的好蹺！相反，如果無時間，就只有靠閒時與朋友吹水、睇書、睇網索料，然後經「內化」後，再「爆」出來。但如果自己日常的工作量，已編排得密密麻麻，甚至是Overload，做創作的，又那有時間索料儲料，然後在危急之時，當「存貨」拿出來，贏得獎聲呢? 創作，限時內夾硬做，有人有機會爆到好東西出來，但不是人人可以做到。 個人覺得，如果預備時間可以更多，毛孩及整個團隊是有能力比上次做得更好，因為入得去毛氏集團，個個都係有Heart之輩，「喺毛記做，最Enjoy嘅，就係自己嘅嘢，人哋睇完會開心，認同，Share！」。 所以，100毛嘅各位，加油！
