快閃旅行(即日來回或於星期五六日，作一個三日兩夜的旅行)，有人會分享得好High；但亦有人會去完叫HiHi。 還記得10年前自己仍在寫字樓打工時，當時女上司也自豪地講：「X，去台灣，星期五放工去機場買張機票上機未得囉，洗乜PLAN嫁，你鍾意星期六返香港又得，星期日返又得。」 近幾年，也開始接觸愈來愈多快閃旅行達人的專訪。當中最深刻的是一位單身漢，下午機飛曼谷，晚上蒲吧，天光搵酒店瞓，瞓醒開飯。三日兩夜的曼谷行，最大的賣點，就係慳咗晚酒店錢，而他亦有在fb開谷與人分享經驗之談，訂平機票心得。 從來會覺，可以快閃旅行是一種身份象徵，就好比坐廉航。年青，單身，無人無物，不用為住的開支而煩，點玩都得。有了另一伴，有了自己嘅家，有了小朋友，就想玩都無得玩，想做都無得做。學阿源個句：「這些機會不是屬於我的！」所以覺得，快閃旅行去試，就要趁後生試，去做就趁單身個陣做。 快閃旅行之外，如何可以用最少的假，去最多次旅行？在此分享一位公司女同事的方法，但只係適用於例假不是放紅日或銀行假的谷友。 相信不少谷友每個月可放的例假(4到8日)，都係閒日居多(不可經常放周六日)，又或者係自己決定放邊日。Dinezz同事嘅方法係，專Mark月頭月尾日子放，製造跨月長假/連假。比如一個月有7日例假，她就Mark兩日4月尾，兩日5月頭，從而製造做出連假。而她用這個方法，一年最少去五次起旅行，令自己亦終成為手信賞味之達人。
