首爾，一個需要做功課的自由行地方。在這樣一個「新有限，伏無限」的國家，如果只做伸手黨，隨時連自己在機票住宿上，慳慳埋埋的錢，不夠被當地專做遊客生意的名店「劏」。 走在各大旅遊討論區，會發現香港人很少投訴東京店舖，但投訴首爾的，卻多不勝數，套用蘋果日報的JPG，就係「仆街，中伏！」例子，多不勝數，例如安國年榚名過其實；陳大媽一隻雞的店員，見客人將最後一隻雞剛放入口(咬都未咬)，就立即收起食客餐具(連水都收埋呀，陰公)；路梁津買長腳蟹，就好似小朋友去好景買AV咁，封面同內客完全唔同，女神變豬排，長腳變短腳，不過聽過更慘的，是長腳變斷腳，埋位開枱先知唔夠腳。 不過今次講的，卻是南大門的一宗疑似街頭騙案。 「事發於去年嘅5月，一名香港女事主與丈夫到南大門嘅一個大排檔消費。女事主入座後，見到唔少人喺埋單個陣，都拎住餐牌，指指點點，同收銀員計數，於是女事主入生懷疑。之後女事主同丈夫叫了3餸一支啤酒，每個餸約一萬WON，但女事主從老工口中得知，成張單埋單收44000WON，即係支啤酒要14000WON，比蘭桂芳還要貴，之後事主拎餐牌一睇，發現啤酒實際賣4000WON，於是上前同收銀理論，成功取回10000WON。」 對於這件事，有網友就表示：「我老婆試過同朋友係南大門食到報警，又係阿豬媽」 亦有網友指：「上次去廣藏市場食早餐，個亞豬媽係咁切d野俾我地食，完全都唔理你食唔食得晒，直至叫停，最後就梗係食唔晒囉，但錢就照收」、「你個經歷令我諗起我們3個人2年前係東大門站出口附近(晚上)的路邊灘食野，食左2個烏冬加1個食物，飲左支水，埋單成200幾蚊HKD，比人劏到1頸血，不過當時初遊韓國，餐牌無價錢，又唔識韓文，算，諗起都好傻」、「上台灣blog講過，市場排檔會比餐廳貴」 最後有谷友就教路：「如果去廣藏市場，我建議去側邊果D舖頭食，唔好去中間果D大排檔，舖頭係劃紙仔有价錢睇，中間果D大排檔D阿珠媽价錢任佢UP！」
