口水雞骨你食過未? 我一向支持小店的，ＳＯ ＦＡＲ食到我谷氣到要寫出來既，呢間係第一間！名，我唔特別Mention出來，各位有心看相就可以知道啦！ 早陣子我到了Openrice 觀塘的一間入圍熱店的雲南餐廳食下午茶， 睇完Openrice我滿心歡喜去食，我很喜歡食羊的，一心去食佢既家鄉黑山羊米線 入圍熱店無招呼是我預料之中的，但如果跟本無咩客既情況，都無招呼，我真係接受唔到，叫左Ｎ次先有反應 我絕對不是歧視新移民的人，但呀姐，你既廣東話我真係聽唔明，問佢又唔係好知我問咩，後來另一個呀姐幫我落單 ＂食咩？＂ ＂一個黑羊米線加底＂ ＂有皮無皮？＂ ＂咩皮？＂（我第一次去食，唔係好明佢ＵＰ咩） ＂有皮無皮？＂（串ＭＯＤＥ） 。。。 後來我睇到入面既廣告先知原來羊肉可以擇有皮或無皮的 呢個餐牌，好拿污濁，好笠，呢個都唔係重點，入面仲有好多蚊，可能我又噴左香水，Ｄ蚊係咁圍我 我另外叫左碟口水雞 我小。。。 全部都係骨，無肉既！呀姐，我係叫口水雞，唔係叫雞骨！ 一碟入面有二只亦尖，佢一定諗住我地二個人要二只尖先夠分！同一個ＰＥＴ ＰＥＴ，仲有頸！ 呢個就係佢地既皇牌黑羊米線，我已經係加左底，呢碗野成＄４５ 味道？好淡，而且你可以見到師傅既刀功一流，可以切到Ｄ肉咁幼，好像一片肉，切到肉絲咁，你唔好以為咁會多片左啦！ 食左＄６９，一肚氣！謝謝，不再光臨！
