夢幻情人盒子Glamabox 2014 Feb 迪迪結婚好多年，和老公係老夫老妻，情人節我地好少話會買禮物慶祝既，但在情人節那天迪迪收到了Glamabox送來的二月盒子 一打開是令人心花怒放的黃色盒子，裝得滿滿的！哈哈，我就當呢份係今年既情人節禮物啦！ＹＥＡＨ好開心呢！入面既寶貝不單止係比我用既，連我老公都有份享用，我地二公婆都好鐘意呢個盒子！入面係Ｄ咩野？去片！ 黃色盒子上仲有花花圖案，好精美，你絕對係唔會捨得把它丟棄，係我打算想拎番公司擺野既時候老公已經拎左去放模型油，佢話ＳＩＺＥ好岩佢ＷＯＲ。。。 今期Glamabox入面包括有: Michael Todd有機卸妝棉 30cnt Max Factor幻彩明亮睫毛膏 7.2ml Janue小黃瓜清爽水潤霜 5g x2 + Janue恒潤駐顏牛奶霜 10g D'ORIENT ACQUA 全效細緻卸妝潔面啫哩 5ml 飛瑞爾鳥結杏仁黑朱古力 35g Michael Todd True Organics豐富南瓜精華面膜 30ml Annie's way 蘆薈海藻鎮定控油果凍面膜25ml 好多items都係迪迪想試的! 飛瑞爾鳥結杏仁黑朱古力 35g 呢個...唉我真係答你唔到有幾好食 ，因為迪迪無小心放好 ，放係桌面一不留神就比屋企個肥佬ＫＯ左 ，一粒都無留比我 ，好在我一早影左相，唔係連紙都無埋 都唔知點寫，老公話好好味wor (產品資料) 飛瑞爾Frey 源自1887年，享譽世界過百年，細選頂級可可豆烘焙並配上瑞士優質牛奶，從選料至製造過程均採用嚴格監控程序，精心秘製出細緻幼滑的朱古力。 Michael Todd True Organics豐富南瓜精華面膜 30ml 產品包裝簡潔，上面有英文說明和成份，made in usa 信心保証 Michael Todd 來自美國的優質有機品牌。嚴選來自農場的原材料，拒絕使用苯及硫酸。南瓜面膜採用營養豐富的南瓜和甘醇酸，滋潤及緊緻肌膚，讓肌膚光澤有彈性，改善細紋和皺紋。 小插曲，我開頭無留意原來入面有張鋁紙，傻仔到怒大力去吱 ，大家要先開蓋，拉開鋁紙再合上蓋先用到呀！個質地好'' 南瓜''蓉feel，個色仲好黃，老實呀，第一次用真係有Ｄ怪怪地既感覺，陣味我又認真一般，不過用後真係覺得充滿彈性，同埋呢支野比我既感覺好天然！用法係薄薄均勻敷上一層等待5~10分鐘之後沖水即可。我用來敷鼻，甩皮情況馬上改善！好野當然要同老公分享，因為佢Ｄ皮膚好乾，敷親野都哎好＂拿＂，但呢支可能因為夠天然，佢好鐘意呀！ D'ORIENT ACQUA 全效細緻卸妝潔面啫哩 5ml D'ORIENT ACQUA 系列卸妝潔面啫哩，我很喜歡它的吱裝設計，很方便，吱三下左右就夠成塊面， 細細支膠裝，我拎佢去做ＧＹＭ用，用來洗面我覺得好舒服，一Ｄ都唔乾，平時洗完面乾到拿住要馬上搽野，但呢支就無呢個感覺，而且仲好易推勻，雖然佢唔會起泡，但都好乾淨！不過我覺得如果用來卸妝的話都係最好先用卸妝油會比較快手Ｄ乾淨！ D'ORIENT ACQUA 系列卸妝潔面啫哩含特別的抗老配方讓肌膚一邊潔淨一邊注入水份。可乾濕兩用。使用在眼部及唇部都沒有問題。 Janue小黃瓜清爽水潤霜 5g x2 + Janue恒潤駐顏牛奶霜 10g 天然小黃瓜精華能快速為皮膚注入水份，而且容易被皮膚吸收。加上膠原蛋白，幼紋立刻ByeBye。 而駐顏牛奶含有豐富滋潤的鮮奶成份，讓肌膚瞬間高效吸收，使肌膚嫩白富有彈性。 Janue恒潤駐顏牛奶霜 10g，佢個味道淡淡的，易推，質地似一Ｄ杰既lotion，我覺得呢個春天既天氣用就岩岩好！ Janue小黃瓜清爽水潤霜 5g x2 真心的，我比較鐘意Janue小黃瓜清爽水潤霜多過Janue恒潤駐顏牛奶霜，佢個質地杰小小，不過個氣味好好，好香青瓜味，仲好保濕，不過５ＭＬ既包裝其實一塊面跟本用唔晒，我又怕煩唔會另外搵野入住餘下果小小，唔想浪費只好用來搽手，如果佢都係盒裝就更好啦！ Annie's way 蘆薈海藻鎮定控油果凍面膜 Annie's way 面膜係我想試好耐既野，一包有２５Ｇ，透明，包裝簡潔，包裝上有清楚的中文說明！讚！ 個質感好似jelly涼涼的，香香的，早排天氣凍，我一直都無拎來用，我係度諗，如果夏天雪凍敷一定好正 呢個包裝好得意，有ＺＩＰ既，拿，呢Ｄ設計就ＶＥＲＹ ＧＯＯＤ啦！用唔晒可以ＺＩＰ埋留番下次用 我個鼻係缺水的重災區，所以我喜歡重點敷下個鼻，我喜歡佢既味道，涼浸浸，用完毛孔又好似細左白左試完之後我真係打算買貨裝用呢！ Max Factor幻彩明亮睫毛膏 7.2ml (產品資料)Max Factor幻彩明亮睫毛膏以其一直受女士歡迎的睫毛膏的基礎上添加4倍微閃幻彩粒子，營造出細緻的閃亮效果；再加上寶石色調的彩珠，可透過光學的反射，令雙眼的自然色彩更加突出，綻放更亮麗的閃爍神采。 佢個擦頭好細緻，佢唔似平時既毛頭咁，我第一次用既時候，感覺好好奇，迪迪對睫毛膏要求好高，一支好既睫毛膏，擦頭係好關鍵，因為佢足以影響你既睫毛效果，呢支擦頭唔會沾染太多睫毛膏，份量岩岩好，擦頭唔會太大，絕不令你沾污上眼皮 而且你還可以用佢來擦下眼睫毛 輕輕一拉。。。我唔洗講，請你自己睇有幾勁，呢個係我搽左２層既效果，夠長又夠密，而且好曲，仲好防水！呢支會係我之後熱愛既item之一！ Michael Todd有機卸妝棉 100%有機卸妝棉成份包括黃瓜，混合洋甘菊，金盞花，椰子和蘆薈。卸妝同時提供清新感覺。我最鐘意拎呢類卸妝棉去旅行，喜歡佢夠方便，上機又唔怕比保安檢查，隨時保持乾淨面孔！ I love Glamabox *產品及資料由 Glamabox 提供 多謝收看 其他平台 http://hylam.theztyle.com http://blog.she.com/hylam http://blog.qooza.hk/hylam1 http://www.beautyexchange.com.hk/portal.php?mod=list&uid=112069 http://www.fnb.hk/blog/229767 https://blog.ulifestyle.com.hk/blogger/didilam/ http://weshare.hk/hylam http://blogs.elle.com.hk/hylam http://www./?91572 contact me :dididilam@yahoo.com FB吹水專頁:https://www.facebook.com/didilamblog 請多多支持
