華麗度滿分之U Beauty x Shu Uemura 村上隆「六心公主」聖誕彩妝工作坊後記 又到聖誕,又到聖誕。。。咁多節日我最喜歡就係聖誕,著靚靚去看燈飾,去PARTY唔化番個靚妝點夠"照"呀!上星期好幸運可以出席 U Beauty x Shu Uemura 村上隆「六心公主」聖誕彩妝工作坊,嘩一入到去嘩左聲。。。好華麗呀 嘩真係好開心,因為迪子係手殘之人,化妝來來去去都係咁既LOOK,真係好想學下化個PARTY妝去威下KAKA!! 先講下背景先。。。 慶祝shu uemura0周年的壓軸作,植村秀與蜚聲國際的現代藝術殿堂級人馬,村上隆(Takashi Murakami)合作,聯手打造以即將推出的動畫《六心公主》(6HP (Six Hearts Princess) 為主題的聖誕彩妝系列。 下面POSTER上二個女仔其實係同一人呀!她們用了不同色系化不同的妝,便有完全不同的感覺!就好似我地女人,其實都有好多面,有時COOL D有時又會熱情D咁,帶出呢個聖誕彩妝系列的重要概念。。。「雙重美麗」突出女性內在的雙重性格:清純善良、俏皮性感 其實早幾個星期前我行街經過shu uemura 已被佢深深吸引啦,尤其係佢既眼影胭脂組, 它備有七種彩光及珍珠眼影和一款胭脂一盒就可以「搞晒」!十分方便,出TRIP一流!!! 好啦入正題啦。。。 主持人向我們介紹完品牌背景和本系列既產品基本知識後,就播放了即將推出的動畫《六心公主》預告片比我地先睹為快! 故事圍繞幾位俏皮魔法少女的冒險故事,同類型的動畫風靡日本超過半個世紀,至今仍深入民心。故事中,幾位在現實世界只是平凡少女的小女孩得到魔力,變身為魔法少女,尋找美與嫵媚的新貌。村上隆透過這部作品,以現代手法重新演繹魔法少女類型動畫,向東京的「御宅」次文化、角色扮演界及動漫世界致敬。 雖然我對動漫興趣一般,但美麗既動畫配上激昂既音樂,令人感覺很愉快,我第一次覺得原來化妝品係可以同動漫拉上關係,好年輕和充滿活力!! YEAH。。。又係我最期待既化妝環節啦 老師就係用我最期待既暗黑公主組合去做示範啦! 我一步一步細心咁記著,老師講解十分仔細,又細心解答我地既問題,不出30分鐘就把MODEL化得像黑暗公主般的美 我好喜歡這對睫毛呀。。。限量版翅上瑰寶尊貴鈑彩妝睫毛。。。好華麗。。。有水晶係上面呀!! 成個公仔咁,我突然好想用來去跳舞比賽用呢 講解完就開始實戰啦。。。 大鑤。。。選擇困難症又來啦。。。咁多野。。。搽咩好呢。。。HELP 係老師同助手們既幫助,我化好啦。。。你地覺得點呢? 整張化妝之前之後先。。。 大會最後送我們一套3件既SET。。。 包括魔法持久啫喱眼線筆,眼影胭脂組和魔幻唇妝胭脂組 番到去急不及待開來試下。。。 啫喱眼線筆,筆芯好幼,軟硬岩岩好,容易上色,不易脫落好順呀!我用來搽內眼線都唔化開,但又好易落 眼影胭脂組,十分容易上色,粉質幼滑而且好持久,一盒有7色眼影和胭脂,可以做到好多不同既變化 魔幻唇妝胭脂組,只需取少量點在蘋果肌位置和唇部位置,再用手指慢慢Blend開,一D都唔乾不知幾方便 之後我就用眼影胭脂組做個小小妝文(不喜勿插) 1: 虹彩金iridescent gold 2: 虹彩銀 iridescent silver3: 墨黑 black 4: 鑽閃珍珠粉 glittery pearl pink 5: 虹彩紫 iridescent purple 6: 深紫 dark violet 7: 深綠 dark green8: 珍珠梅紅 pearl plum 以5打底,增加眼皮光澤度。 以3塗於眼摺位置和下眼線1/3住位置,深色的眼影令眼睛更圓更大效果。 以6塗於眼窩位置,絲滑眼影質感,營造高貴的眼妝。 以4塗於眼珠上方的位置,增強眼影層次感。 以2綴少量點在內眼角位置,令眼神更銳利。 只需取少量魔幻唇妝胭脂組點在蘋果肌位置和上下唇部中間位置,再用手指慢慢Blend開,好自然呀 嘩。。。不知不覺寫到好晏啦。。。BYE BYE 多謝收看 1. http://hylam.theztyle.com 2. http://blog.she.com/hylam 3.http://blog.qooza.hk/hylam1 4. http://www.beautyexchange.com.hk/portal.php?mod=list&uid=112069 5. http://www.fnb.hk/blog/229767 6.https://blog.ulifestyle.com.hk/blogger/didilam/ 7.http://weshare.hk/hylam 8.http://blogs.elle.com.hk/hylam