Event後記: 參觀Oceania Cruises海洋號（Nautica) 自從早幾年坐河船遊埃及之後，迪迪深深愛上坐船旅遊呢種方式！原因如下: 1.唔鐘意搬酒店，行李 2.怕跟團但又懶得PLAN 3.鐘意跳舞，聽歌 4.唔洗煩食Ｄ咩，想食就去船上餐廳食野 5.唔洗坐長途車之苦，訓醒就去第二個port度玩啦！ 迪迪好開心，上個月被邀請到大洋郵輪（Oceania Cruises）旗下的海洋號（Nautica）參觀，呢只船同迪迪之前去過既大型郵輪很不同，呢只船排水量只約三萬噸、載客量僅為六百八十四人的中小型郵輪。但船雖小，但五臟俱全！而且入面既裝修和用品都用上上品，是郵輪中的中上等級。而中小型船身設計，可暢遊各國大船難以靠泊之獨特港口 ，直接駛入城市，減少接駁交通時間，變相玩得更盡情！ 呢只豬叫小Ｐ，係迪迪既旅遊伙伴，去Trip佢次次都會一起去呀！ 當日早上１０時，由Jetour職員帶我們在尖沙咀海洋中心上船參觀。其實海洋中心船塢停泊的郵輪都是比較細小的，一般來講都唔會超過７萬噸，比較大只既，都會停葵涌貨櫃碼頭或者郵輪碼頭 船入面的一角，隨意一個地方都見到佢既裝潢十分別緻 船上全面禁煙，如有需要，客人可到呢間酒吧或者到指定的吸煙房抽煙 圖書館的一角，嘩，個天花板好精緻呀！ 係一個咁優美既地方看書，真是令人心境開朗！ 雖然船既體積小，但GYM既地方都很充足 Canyon Ranch 水療中心 船上還可以join SPA或者 Facial course，這是另外收費的，但我看過價錢都相當合理 有時船上既duty free還會做折扣，價錢有時可能比平時更便宜 船上的Salon 典雅的紅酒吧，他們會定期搞品酒班，教導大家品嚐紅酒和交流心得 賭場，愛玩兩手者可能失望了！因為只有４張賭桌，同多部老虎機，但始終呢只係郵輪，唔係賭船呢 Whiskey Bar，提供多種品牌和多款whiskey 飲料 Internet Bar... 收費真係有Ｄ貴，因為船上係用衛星來接收訊號的，當然貴，而且慢，大約是一美元一分鐘，唉 不過如果你去旅遊就應該好好享受假期，唔好掛住上網啦！ Deck面，有按摩池同埋泳池，客人可隨時享用！ 游游下水，著住泳衣都可以係戶外餐廳Waves Grill度醫肚野 又或者係pool side酒吧飲番杯！而船上包括illy咖啡等飲料（酒精類除外）也是免費供應 Polo Grill餐廳，係呢度你可以食到上等牛扒，３２安士烤牛扒，只要你喜歡，你日日來吃都可以！ 而跟其他郵輪不一樣的，便是客人不用額外付出訂位費，便可在Toscana及Polo Grill等特色餐廳用餐！ Toscana意大利餐廳，這裡品嘗頂級意菜，都是不用另外收費的！ 之後我們一眾人到法國貴族式設計Grand Dining Room享用餐。 桌面佈置也很精緻，影番張相先。。。 嘩原來船上所有餐具Versace都用上了，十分奢華，呢樣係我意料之外既事 ＼ Menu... 包包都好多款 Fingerling Potato with Sturgeon Caviar（魚子醬呀！） Risotto agli Asparagi mantecato al provolone e Tartufo (Green Asparagus Ristto with cheese and black truffle) 嘩，有松露 Maine Lobster Cassolette with bisque Sabayon 有龍蝦！ Wellington of Veal Tenderloin with Porcini Mushroom Stuffing A La Minute Poached Floating Island 甜品係焗蛋白，我Ｎ年前係法國食過，我法國朋友話，呢個甜品難度係頂級，因此唔係周圍有得食，仲好貴！但我就真係一般喜歡食！ Petits Four 食物質素之高係我意料之外！而且船上面既職員服務超好！原來員工比例，以Nautica有四百位員工照顧六百八十四位客人，即是差不多每五位客人便有三名員工負責接待；因此招呼一流，同大型郵輪無得比！簡直係前所未有既郵輪新感受，對比設施及娛樂眾多既大型郵輪，呢只小船多左份人情味，而且船上面小朋友不多，喜歡寧靜的你，我極力推介！ 可惜的是當日船上的房間fully booked我們沒有機會去參觀房間呢！ 有機會的話，我會考慮Join ship玩呢！ 以上服務和資料由Jetour and Oceania Cruises提供 多謝收看 其他平台 http://hylam.theztyle.com http://blog.she.com/hylam http://blog.qooza.hk/hylam1 http://www.beautyexchange.com.hk/portal.php?mod=list&uid=112069 http://www.fnb.hk/blog/229767 http://www.ubeauty.com.hk/member_blog/didilam/ http://weshare.hk/hylam http://blogs.elle.com.hk/hylam http://www./?91572 contact me :dididilam@yahoo.com FB吹水專頁:https://www.facebook.com/didilamblog 請多多支持
