如果你係哥斯拉或者金剛Fans就一定要留意，唔好錯過以下嘅推介啦~將軍澳商場Ocean PopWalk聯乘兩大怪獸之王哥斯拉同埋金剛推出展覽。首先當要係睇商場露天戶外長廊7米可愛Godzilla大型裝置，依個絕對係必到嘅打卡位，估唔到可斯拉都可以變到咁可愛~😆😆之後就可以睇埋哥斯拉玩具珍藏展，展覽展出左成百件好有收藏價值嘅哥斯拉人偶同埋好多組好有電影感場景佈置，其中仲有由日本東寶電影公司和美國傳奇影業共同借出嘅金剛同哥斯拉人偶，真係好特別ga～🤩🤩最後當然唔少得Fans必到嘅主題限定店，今次係香港第一間主題限定店，除左唔同嘅限定玩具仲有店內盲盒販售機，可以比你試下手氣睇下抽唔抽到你嘅心頭好。更特別嘅係12月4日、12月11日、12月25日、12月26日依幾日嘅12點開始，妮到商場地下露天彩虹跑道出示已經 Like 左商場嘅社交網絡平台嘅介面，就可以免費獲得限定嘅哥斯拉能量爆谷桶~ 不過記得只限50個名額，先到先得，送完即止。如果去開將軍澳記得唔好錯過啦～😝😝展覽日期：即日至 2022年1月2日時間：10am – 10pm地點：將軍澳南Ocean PopWalk點擊圖片放大 +3
