琴日考完試,同女朋友出黎旺角食野,我地決定食泰國菜。 於是就決定去幫襯左差唔多十年既<<泰屋>>。十年?因為呢間餐廳係由佐敦搬過來的。 餐廳裝修以簡單為主,但都會見到泰國風情。 先來個<<泰國金柚鮮蝦沙律>>先,成大個柚子切開,柚子肉入口酸酸的,用湯匙食,啖啖肉,又多汁,好爽。而蝦都算大隻,值得推薦。做沙律用黎開胃一流。 再來一個小食拼盤,四款揀兩款,咁我當然揀最愛既魚餅同蝦餅。兩個人黎食,份量剛剛好。兩款餅都入口都夠彈牙,而家仲好夠熱。所以加哂分。 再來一份<<菠蘿炒飯>>,肉鬆,蝦,魷魚,青口都好豐富,海鮮仲好大隻。食落整體上偏甜,兩個人真係好夠食。 甜品<<椰汁鮮芒果西米露>>,入口清涼,芒果夠甜,椰奶味適中,唔錯既選擇。 而飲品就點左<<芒果沙冰>>,芒果味重,又唔會過甜,十分冰涼之選。 ------------------------------------------------------------------------------------ 地址:旺角彌敦道726號2樓 電話:28073366 免責聲明:以上文章純屬筆者對於以上產品的個人感覺, 而效果乃因人而異, 如需協助或獲得更多產品資訊,請直接聯絡該品牌查詢或∕和尋求相關專業意見。 ***歡迎合作聯絡合作,產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl