休息左一晚，阿雨既病都好返唔小。食過早餐，老闆話送我地去<<南台寺>>既乘車點，衡山既景區交通就係麻煩。 見有時間，當然入埋去<<南台寺>>參觀，不過此寺正在翻修。 今日既重點係經南天門，到<<祝融峰>>，一路上都係上坡。 有錢既可以做下大爺。 點擊圖片放大 +3 上坡沿途有小食檔休息一下。 祝融峰係衡山的最高峰，香火鼎盛，內有講慧思禪師建衡山寺群的歷史。 上到黎景色豁然開朗 衡山的巴票可以坐索道一次， 只係每架大到可坐五十人，迫滿車廂就開走，車廂玻璃都發濛又唔能拉開，所以呢架索道只係運送人上落山，坐得我好擠逼，並唔係用黎觀光。 到<<半山亭>>搭車落山，到最後一個景點<<忠烈祠>>，參照中山陵起，起得幾有氣勢，但又係個沒人氣的景點，岩哂我地影下相。 引途朋友道「忠烈祠係老蔣於抗日戰爭完結後用來祭祠抗日將士，其格局比照中山陵，大概預料到往後國人德性，於是數百級階梯，遠看沒敢上去，敢上到去也沒力喧嘩，給陣亡將士真正安息。」 但原來今日也恰恰係<<雙十節>>，真係有意思。 點擊圖片放大 +2 因為係山腰既最後一個上車點，所以等車會有點麻煩。 出到黎景區有公車站，的士站。大家都未食中午飯，最後決家出去衡陽市區先食。剛剛又撞到旅館的老闆娘，佢幫我地叫的士，以免畀人坑。 我地兵分兩車，最後大師的一車始終畀人坑，令到場面尷尬。 一輪折騰後，在衡陽是旦食個飯。不過D飯硬到成舊磚，食唔落，都係坐公車去<<衡陽東>>站。 <<衡陽東>>都叫有好多食肆，早知係度食。 黎到既時候，已經開始日落西山。雖然搵唔到<<瀟湘夜雨莫大>>既痕跡，但都係一次不錯既朋友喂威喂之旅。回程坐一等座高鐵，但同胞真係太嘈吵，折騰了大半天。 [走進中國。湖南] 果然有點味道@南嶽衡山 DAY1 https://goo.gl/Pk8ozG [走進中國。湖南] 祝融峰 @南嶽衡山 DAY2 https://goo.gl/UFKi4o ----------------------------------------------------------------------------------- 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
