好好休息左一晚，一早起身。我想睇睇去完聖山參拜後，人品係咪有所提升。 而且呢一日已經係最後一次係<<飛來寺>>睇日出了。 結果，真係學驢友話齋今日人品大爆發，終於沒有帶住遺憾而走，最後一日睇到<<日照金頂>>。 美好既時光轉眼即逝。係時候食個早餐，收執行李，回香格里拉，要跟幾位美女道別喇。今次跟一對青島既夫妻包車，途中都會經過<<金沙江景區>>及<<霧濃頂觀景台>>，司機大哥亦都會畀時間我地再影相。 點擊圖片放大 回程同樣要五到七個鐘車程，所以係<<德欽>>吃個午飯。 長途車終於返到香拉，我地決定仲有時間，去鬆一鬆，當係呢個旅程我地四個人最後一個行程。就係試下盲人按摩，講真第一次試。 最後我地都把握機會，去食多次氂牛火鍋。 食完呢餐飯，大師要去汽車站喇。冇錯，我地四個今晚就會分道揚鑣，大師搭大巴落<<麗江>>再玩多幾日。而我地三個就要準備返香港捱騾仔。 係汽車站送別大師後，我地飛的去<<香格里拉機場>>。 坐晚上九點十分的飛機直飛<<昆明>>。去到昆明已經差不多十一點了，因為已經冇左地鐵，我地唯有飛的落市區。原本叫司機大哥帶我地到按摩的地方，諗住試下按摩過夜。點知佢帶我地去既地方唔招待女生，真係有古怪。三更半夜比人拒於門外，惟有搵酒店。 係昆明的舊區遊走，我地感覺到有點恐怖，感覺好似旺角黑夜既場景，又黑又紅既燈光。仲發現後面有男人夜媽媽拎住鐵通行街，真係嚇到我地三個急急腳咁走。 急步直行，最後走出大路，搵左間三人房落腳。大師，這剎那你在何方? [走進中國。雲南] 安全回港@ 昆明 DAY 9 最後一天，在酒店一帶買手信，茶葉等，下午由昆明飛香港。九日既雲南背包遊正式完結，期望下一次。 [走進中國。雲南] 尋找課本上的花潮 @ 昆明 DAY 1 https://goo.gl/77u17h [走進中國。雲南] 跟著茶馬古道走 @ 麗江古城 DAY 2 https://goo.gl/hf6o8X [走進中國。雲南] 來到月光古城 @ 香格里拉 DAY 3 https://goo.gl/gX35Wi [走進中國。雲南] 雨崩遠征隊組成 @ 香格里拉 DAY 4 https://goo.gl/dDmSsT [走進中國。雲南] 飛來寺大本營@ 香格里拉 DAY 5 https://goo.gl/M9JQUY [走進中國。雲南] 世外桃園雨崩村@ 香格里拉 DAY 6 https://goo.gl/DW4aS8 [走進中國。雲南] 逃出雨崩12小時@香格里拉 DAY 7 https://goo.gl/FUoMLM [走進中國。雲南] 日照金頂@ 香格里拉 DAY 8 ,9 https://goo.gl/QaG72b ————————————————————— 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
