清晨五點多，車務員走來叫醒大家，意味著快到<<麗江站>>了。 估唔到我特別的好訓，朦朧地去到衛生間刷牙洗臉。六點十五分，K9606班次到達<<麗江站>>，呢個時候天仍時黑的。 一出車站，係大陸一定有好多車夫係度拉客，死纏難打的要你包車之類。硬起心腸直行直過，跟著人群過對面就是公車站，可以直到麗江古城外。 如果嫌火車衛生間噁心，可以出站後，站外都有個廁所，環境會好一點。 等車既時侯，天都光了，還見到遠遠的<<玉龍雪山>>。 在所謂的<<民主路>>下車，即是古城外圍的新城。隊友需要來個大爆發，於是搵左間靚仔的酒店解決，順便各人重新梳洗。 在這裡可以直接行入古城，不過到處都在建設，沙塵滾滾。在途中，見到有吃早點的已經開檔，就來嚐一嚐地道的早點。 想不到麗江都仲流行刷鞋匠。 因為麗江海拔已經去到2400米左右，溫度在清晨時即使係陽光普照，呢個時候都要令我穿上羽絨。 好快就黎到世界文化遺產的<<麗江古城>>正門大水車入口，其實麗江有兩個主要既古城，呢個就係<<大研古城>>。 櫻花樹下，清晨的古城特別寧靜。 但發現這裡的酒吧何其多，到處都是艷遇，泡妹的字眼。跟古城顯得格格不入。 四方街算係古城的中心點，附近酒吧，食街及客棧林立。 經過四方街，往萬古樓方向往上走， 挑了一家<<新龍門客棧>>，嘩~我覺得好有大俠feel。兩人房一百蚊人仔，獨立廁所，朋友除開一算，比青旅的床位更抵住。 因為時間尚早，我地係大水車附近的<<阿拉丁旅遊>>報了即日團，即時出發，每人承惠180蚊人仔。 我地四個人，導遊大哥用專車載我地到第一站<<拉市海>>午膳，當日都幾塞車。 原來第一站先來食中午，試下<<茶馬古道>>地道的小菜。放心一定食得飽，因為白飯任裝。 司機大哥 然後來到馬場搵我既赤免馬。 騎馬上陣， 唔好以為自己係呂布，都係慢慢黎好，馬上如虎口。 沿途有山有水有湖，風景都唔錯，這就是<<茶馬古道>>的一段。 其實我呢隻只係小黃馬一頭。 來得<<拉市海>>，當然要睇下個海 碼頭，大家一起出發前先許個願求平安吧。 大哥一馬當先先上船，大師都不輸蝕(綠衫者) 原來船夫係一位老人，慢慢地划，更大唱山歌，好有feel 不過個海，呀...其實係湖，冇乜特別。 最特別係原來有類似上水小販，賣小食，真係有生意頭腦。 不過事後我才發現我地都冇穿救生衣，難怪上船前有個地方畀我地許願喔。 大哥:「嗱，冇風冇雨，準備返香港返工喇。」 包團的最後一站是麗江的另一個古城<<束河古鎮>>，比起大研這裡不會到處見到艷遇及泡妹的口號，更有古城的味道。 四方聽音 點擊圖片放大 大師這霸氣盡現，融入當中 因尚有時間，趁日落前我地再黎一個景點<<黑龍潭>>，試下拍<<玉龍雪山>>的倒影，剛巧售票員六點收工，唔使錢就可以入場。不過呢度好多蚊，我已做了食物了。 <<玉龍雪山>>的倒影，冇錯係行左D，因為太陽要落山了 經過一日既路途，真係要試下當地既小菜。 途經<<紅太陽廣場>> 晚上的麗江，好不熱鬧，聽到的不是<<一瞬間>>，而是勁歌熱舞，像落了disco。 玩左成日，想返客棧沖個熱水涼，點知當扭開水喉時，冇水既?? 隔壁既團友都媽媽聲，最後問老闆娘，佢話今晚全城冇水，唔知幾時會有返，冇計。 我心諗，你中午入住果陣唔早講!!!!頂你咩~ 好在係深夜時份終於來水喇。 [走進中國。雲南] 尋找課本上的花潮 @ 昆明 DAY 1 https://goo.gl/77u17h [走進中國。雲南] 跟著茶馬古道走 @ 麗江古城 DAY 2 https://goo.gl/hf6o8X [走進中國。雲南] 來到月光古城 @ 香格里拉 DAY 3 https://goo.gl/gX35Wi [走進中國。雲南] 雨崩遠征隊組成 @ 香格里拉 DAY 4 https://goo.gl/dDmSsT [走進中國。雲南] 飛來寺大本營@ 香格里拉 DAY 5 https://goo.gl/M9JQUY [走進中國。雲南] 世外桃園雨崩村@ 香格里拉 DAY 6 https://goo.gl/DW4aS8 [走進中國。雲南] 逃出雨崩12小時@香格里拉 DAY 7 https://goo.gl/FUoMLM [走進中國。雲南] 日照金頂@ 香格里拉 DAY 8 ,9 https://goo.gl/QaG72b ————————————————————— 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
