呢排成日落銅鑼灣買野，所以都會係果頭搵食多。 呢個星期日就黎左<<和牛燒肉‧純>>豪一次，至於原因?因為有女神BB係度囉。 餐廳裝修以日本風格為主，除左卡位，仲有吧枱。 有熱毛巾抹手 菜單圖文並茂，我地兩個人，就決定溫馨D揀呢個<<豪華燒肉二人餐>> 先來的是洋蔥沙律，墊下胃呀嘛。入口酸酸的，好開胃。 前菜係<<青瓜牛舌>>，牛舌切到一條條咁，撈埋青瓜入口夠爽之餘又有層次。而且芝麻醬都好突出。 麵鼓湯不能少得。 呢個豪華燒肉二人餐包左和牛牛排肉、和牛上牛排肉、和牛壺漬牛排、日本產雞腿肉、大蝦、魷魚及帶子。 跟埋用日本米煮既飯，好有口感。 和牛壺漬牛排，一個壺裝了約四大塊 又大又長，最重要係薄，因為薄既關係，好快燒熟。綜合三種牛排，肉食起上黎入口即溶，又唔會太肥膩。不過我最愛是和牛壺漬牛排，因為夠薄夠大塊，啖啖肉。 至於<<日本產雞腿肉>>就要燒耐D，但係入口非常之嫩滑，行D講句，雞有雞味。 大蝦我鍾意燒熟D，因為咁樣先會香D。 海鮮，仲有魷魚及帶子四隻，加上檸檬汁一齊，入口有層次，記得唔好燒太耐。套餐仲有粟米及菇等伴菜，不過唔多。 飲品揀左<<桃味梳打>>，有果肉又重桃味，清清口腔的油膩感。 ------------------------------------------------------------------------------------ 地址:銅鑼灣恩平道42號亨利中心15樓 電話:2807 0103 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
