在銅鑼灣睇完<<異形，聖約>>，搞到我都好肚餓。女友話附近有間好食既餐廳，於是就馬上出發。 原來間餐廳叫<<MASTER KAMA>>，係專食龍蝦及蟹的。我話哂係海鮮控，見到都開心。 雖然係樓上鋪，但八點上到黎都差唔多爆場。 餐廳有梳化位，都坐得幾舒服。 餐牌有哂圖片，唔使心思思。今次叫左食蟹的套餐。 先來到的是前菜<<六小缽>>， 「柚子青瓜沙律，虎蝦芒果慕斯，海鹽枝豆， 蟹肉玉子燒，蟹子日式凍豆腐，酸辣海蜆。」 虎蝦芒果慕斯最正，成隻蝦入口有好重芒果味。 蟹肉玉子燒入口蟹肉味都相當特出。 <<芝士蟹肉釀蟹蓋>>，芝士味適中，食完唔會覺得好膩。雖然加左芝士，但蟹肉味依然好出。配上魚乾仔做成的脆片及加上三文魚籽，火箭菜，口感更有層次更清新。 <<蟹之雜炊>>，紫菜加上蟹肉及溼飯。攪均佢就食得，入口綿綿的，很重蟹味。 今晚的主角是這個<<鱈場蟹海鮮紙火鍋>>。 店員會奉上相關的餐具 這就是材料，一邊是蔬菜類，一邊是海鮮類。 湯底滾左後，先落海鮮。海蝦及蜆都相對易熟，海蝦夠大隻，入口鮮嫩。蟹肉更加係不得了，更鮮更甜，又多肉。 疏菜類都唔失色，菇類，瓜類及菜類都好齊。 色仔餅好大個，入口彈彈的，好正。 最後來<<士多啤梨抹茶布甸>>，除左精緻，抹茶味入口相當濃，好食。 ------------------------------------------------------------------------------------ 地址:銅鑼灣謝斐道500號維安商業大廈3樓 電話:3421 2129 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
