[ 18 Feb 2017 ] DAY 3 @宮崎 早上一早起床先浸返個公眾湯，因為男女湯晚上跟日天是會調轉的。 昨晚的<<錦江之湯>>，望住天上的星星浸，感覺很不錯。今天試試<<大隅之湯>>，早餐時段入黎，冇人，自己浸好爽。白天可以清楚看見櫻島火山，淨係呢個景都已經一百零一分。 浸左半個鐘，出黎瞓係張按摩椅等女友，呢個服務真係好細心。 今天的早餐也很豐富，我自己很喜歡食日本人的豆腐，哈哈。 吃早餐的地方也可以看到櫻島火山。 因為要駁火車去宮崎，所以十點多就離開<<旅行人山莊>>。酒店也會有車安排出丸尾公車站的。因為要等差不多半小時的火車，所以在<<霧島神宮駅>>旁的足浴打磨一下時間。不過溫泉水只叫做暖，所以吹起風上來也是冷冷的。 宮崎今次揀左係橘通的APA HOTEL，食野夠方便嘛。不過因為時間尚早，唯有先寄存行李。 坐JR出發前往<<青島駅>>。 從青島駅走15分鐘就會到<<青島神社>>及<<鬼之洗濯板>> 一下車就好有南國風情 穿過青島表參道會進入<<鬼之洗濯板>>範圍。 <<鬼之洗濯板>>範圍好大，將青島神社都包圍住，何其壯觀。 我自己就鍾情於自然景觀多D，所以大部分時間都留係<<鬼之洗濯板>>。當然旁邊的青島神社都不能錯過。 鴨就宮是社神的主殿。 拜拜神，問個福。 回程原路折返，有幸坐上<<海幸山幸>>因為沒有劃指定席，所以要坐自由席。好彩自由席有位坐。九州的主題列車很出名，又收錄了一架。 <<宮崎駅>>的好西，黎到日本當然要食雪糕。 晚上的目標是在酒店附近的這間餐廳，很出名，排哂長龍。好彩我只需排半小時就入到。 呢間餐廳係食宮崎有名的<<南蠻雞>>。我試左個牛雞雙拼，又飯又意粉，真係食到我好飽。講真係好食，不過就比較JUICY。 八點多，橋通除左食肆外，其他的都關左。好好彩酒店對面有間超市，就落左去掃貨。 所以今晚有水果食，食完早D抖。 DAY 1: [鹿兒島市]https://goo.gl/eHpacd DAY 2: [霧島]https://goo.gl/syeMZj DAY 3: [宮崎]https://goo.gl/6PVVE4 DAY 4: [宮崎]https://goo.gl/KZFVrV DAY 5: [鹿兒島市]https://goo.gl/DrrPoG DAY 6: [鹿兒島市]https://goo.gl/JkfUwN ------------------------------------------------------------------------------------ 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
