女朋友成日話想我帶佢去歎返個英式下午茶，不過有時真係好難就。 難得呢個星期日，有陽光又大家都有時間，係時侯出去HIGH下TEA。 今次黎到厚福街的ESPUMA，聽講呢度剛剛裝修完重開冇耐，而且呢期做緊一個E-HOUSE afternoon tea set。 $228+10%服務費，性價比都幾高。每人除開都係$126左右。 先來的是個<<綠茶鬆餅>>，配果醬及忌廉。綠茶味的鬆餅入口都幾鬆軟，淡淡的綠茶味加上果醬，很易入口。 主角屋仔黎喇。有三層樓高，每層都有唔同既甜品，小食等。 第一層是凍的<<蟹籽蕎麥麵>>及<<迷你天婦羅拼盤>>。 <<蟹籽蕎麥麵>>加上蟹籽的蕎麥麵，入口的層次更豐富，味道更有一份鮮。 <<迷你天婦羅拼盤>>，有蝦，南瓜，蕃薯等。 最驚喜的是用錫紙包住，形狀似粒糖，但原來是<<迷你甜蕃薯>>。蕃薯仔入口又真係夠哂甜wo。 食到第二層是<<燒三文魚飯團>>，<<醬油丸子>>，<<黑糖牛乳布丁>>及<<日式芝士蛋糕>>。 <<燒三文魚飯團>>，內裡包了燒三文魚，加上外圍的紫菜，令口感更JUICY。 <<醬油丸子>>入口咸咸的，煙煙韌韌。 <<黑糖牛乳布丁>>，這個布丁入口偏甜，可能黑糖落重手左，不過布丁尚算幾滑口。 最後一層有<<櫻花水信餅>>，<<蝶頭花水信餅>>，<<黑芝麻蕨餅>>及<<綠茶紅豆戚風蛋糕>>。<<黑芝麻蕨餅>>入口有很濃郁的黑芝麻味。 兩款水信餅都好吸晴，入口口感比JELLY更結實一點，但有絲絲的花香。 <<綠茶紅豆戚風蛋糕>>最驚喜是有一層金箔在紅豆蓉上，感覺即時不一樣。 飲品方面，我地加左十五蚊升級，我呢杯係<<鮮蜜桃汁茉莉綠茶>>。入口清甜又有陣陣的蜜桃味，天氣好時飲，感覺特別好。 女朋友話明黎HIGH TEA，當然係叫熱飲<<招牌水果茶>>，我也飲了一口，微甜，又有多種水果，飲得又食得。 ------------------------------------------------------------------------------------ 地址:尖沙咀厚福街8號H8 2樓 電話:2739 2080 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
