又到開心星期五，自然又要食好D。 不過今次唔使同圍行，係正屋企樓下，就係泰國菜<<巷卅八>>。 入到去會見到大架電車的模型牆。 餐廳既設計偏向工業風的味道。 餐碗以公雞圖案為主，很特別。而菜單則以一架TAK TAK，令人一睇就想起泰國。 平時食泰菜會叫冬陰功湯，今次就試下其他口味，叫了細窩的<<泰式魚肚羹>>來試下。單看外觀似魚翅又或者碗仔翅。以魚肚及冬菇為主，但入口比起魚翅/碗仔翅湯底更濃，更重口味。一窩都可以2-4人分享。 <<馬拉盞炒通菜>>係食開泰國菜常叫既菜式。菜入口幾爽，口感也比較清新。 <<泰式明爐魚>>也是近年我常叫的一款菜式。酸酸的湯底，大大加強了我的胃口，魚肉入口滑溜，值得推介。 呢款<<泰國街頭燒雞脾>>出面十分少見。一碟兩隻雞脾，用燒烤的方式來做，所以表面比較油膩。但入口雞肉香口，大口大口的咬下去有另一番風味。 甜品叫了<<芒果糯米飯>>。芒果新鮮又香，如果有足一個就更好喇。 叫多個椰子汁來為這個泰菜劃上句號。 ------------------------------------------------------------------------------------ 地址:北角城市花園道233號地舖 電話:2861 1638 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=
