[ 27 OCT 2016 ] DAY 1 @京都 這次的關西行只有六天，個人覺得如果有七天會好一點。 今次坐的是HK EXPRESS，早上九時機，到機場後第一件事先過T1拎 WIFI 蛋，偷偷的告訴您，這是小弟第一次用。在網上KLOOK買，幫襯的是UROAMING，$12一天，六天只是$72，可以畀我同女朋友仔一齊用，真心好抵呀。最重要是係香港機場借還，更容易控制時間，一落機就可以用。 一如以往，這家的航班都很準時(不過聽聞最近有朋友DELAY了好一段時間)。 在機場吃過早餐，上了機。記憶中飛機未起飛，我已在座位上呼呼大睡。 當有了意識既時侯，已經差不多到了。入境第一件事就是過海關時會被要求開行李箱檢查。最好兩個人一齊過，咁樣就多數只需開一個箱檢查。 過了關，因為在KLOOK訂了大量的門票及PASS，所以在HIS櫃台取票，國語溝通，又平又方便。 接著，穿過天橋，去到JR閘口對面的JR Ticket Office買ICOCA + HARUKA ，直接出發去京都。 上一層是外國人專用櫃檯，可以講國語。原本打算買埋明天早上第一班去嵐山的小火車票，但已經售罄，職員教路話明天一早去排隊會有位的，因為當地車站預留了一部份的座位給現場的客人買。 ICOCA有兩個版本。 JR是藍色的入口，不要行錯。 乘坐HARUKA只需約1小時15分的車程就到京都駅。 京都駅就像博多駅一樣是一個大的轉乘站，可以轉成地鐵及新幹線等。 一出站，就會見到地標-京都塔，就像一根蠟燭插於燭台上。對，這就是我來到這地，第一個對京都此古城的印象。 轉乘地下鐵，前往五條站的京都伊藤家酒店，此酒店以日本熱門旅遊城市來說並不貴，配套及服務，令我可以在未來的三天好好充電。 詳情可以睇呢度[[https://goo.gl/kZ88P0]] 安頓好後，享用過welcome food and drink後就出發去附近的河原町及錦市場搵食。 只可惜去到的時間已經是五時左右，錦市場一半的店舖已經關門。 不過搵到一檔海產店，賣剌身，好吸引。 買了份帶子，三文魚及鮑魚剌身滿足一下味蕾先。 乜原來日本的三文魚而家都切得咁厚，唔怕，新鮮搭救。 帶子刺身，女神大讚。 呢個八爪魚頭內有鵪鶉蛋，網上都幾火紅，成功集郵，不過一個都唔便宜呢。 再遇上小丸子，我指食的那種。小丸子也用上自動售賣機。 天氣凍買黎食，真係唔錯。 轉過灣就黎到錦天滿宮。 免費入場的，等我入去拜拜。 摸下牛頭，帶來好運。 小姐你求緊姻緣嗎? 其實錦天滿宮位於新京極及錦市場的交界。比起錦市場，呢度晚上更熱鬧，想要逛的鋪頭種類基本上都會有。 很快就給我發現剛登陸香港的菠蘿包冰淇淋。喂，呢度唔使排長龍喎。 因綠茶味已售罄，所以揀左雲呢拿雪糕味。 製作過程比你睇埋。 呢個店員好好，放左勁多雪糕落去，你睇下!!!哇沙!! 宣傳話佢可能係世界上第二好食的菠蘿包，我就覺得佢係我食過最好食的菠蘿包喇。在日本掃街，千萬不要邊吃邊走，是很不禮貌的，所以乖乖的在門口解決佢。 呢間賣雞塊既都好正，要排隊架!! 買左一小份，兩個食，雖然係炸，但一D都唔覺得好油膩。食完雪糕食返D熱野暖暖身。 有幾種醬料，任君選擇。個人喜歡辣醬，夠野味。 來到新京極的盡頭，會見到<<蟹樂道>>。第一餐，當然要食好D，所以今晚就係呢度食。 點了一個期間限定的<<金竹犀>>套餐，有剌身，蟹飯，燒烤，漬物，天婦羅，雪糕等，兩個人分享好滿足。 點擊圖片放大 +6 綠茶粉撈雲呢拿雪糕劃上句號。 雖然兩個人分享，但都抱著個肚子地走。 第一日的行程主要是吃及吃，所以第二個對京都的印象也是吃。 今晚食飽D，差差電，早點休息要明天早起。 2016關西6日5夜連結: Day 1 https://goo.gl/guvBKo Day 2 https://goo.gl/LxbXnb Day 3 https://goo.gl/wEFDvl Day 4 https://goo.gl/EFiIGV Day 5 https://goo.gl/BLvrEi Day 6 https://goo.gl/3pafNy 京都住宿 https://goo.gl/kZ88P0 大阪住宿 https://goo.gl/UWfvTa
