呢排香港涼左好多，作為香港人既我，當然又係打邊爐啦。 去年同一班朋友去過北角間<<金功夫點心火鍋>>慶過生，但女友又話想試下喎。 咁今次去開時代廣場附近，就拉左佢去試灣仔間新分店。 要上一層才到餐廳，門口竟然還有代客泊車。 在門口見到而家在緊優惠，由即日起到11月18日有1蚊雞湯底，限於晚市時段18:00-21:00。 於是今晚唔執輸叫左呢個一蚊雞<<瑤柱白玉滑雞湯底>>。 上到去，侍應好快手就上一碟餐前小食，花生及魚乾仔，承惠15元。 打邊爐點可以少得醬油，侍應會奉上醬油架，任君DIY，共有8款有醬油供應，蔥花，蒜蓉，沙嗲，辣醬，紅椒，蒜粒等等。連同茶芥，承惠18元一位。 很快主角也上枱了，一蚊雞<<瑤柱白玉滑雞湯底>>。 很大塊冬瓜宛在湯中央，當然湯底有雞肉及瑤柱。呢個湯底清清地，我鍾意。而我最欣賞的就是冬瓜，侍應會幫手切開，冬瓜真係啖啖肉，有嚼勁。 打邊爐，仲有樣野係唔少得，就係肥件，今次點了$198例牌<<安格斯雪花肥牛>>。 上到枱真係好靚，廚師砌成兩朵花模樣。肥牛紅潤，脂肪分布均勻，很有雪花的效果，很適合愛厚切的食客，不過落湯要滾多兩秒，入口有肉感，煙韌。 <<日本蟹柳>>也是我的最愛，入口清甜，不過記得不要滾太耐，會散開的。 <<蟹子墨魚滑>>，墨魚滑熟左後十分彈牙有嚼勁。 丸類方面就點了，香菇貢丸，鮮蝦丸，芝心醬爆牛丸。個人就喜歡吃芝心醬爆牛丸，因為芝味十足，牛丸又夠彈。提提大家，這裡是每粒起計算的。 打邊爐當然要吃菜，選擇<<油麥菜>>也不錯。開始時可以墊下胃，又幫助消化。 -------------------------------------------------------------------------------------- 地址:灣仔灣仔道223-227號1及2樓 電話:2788 3038 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
