【旅遊日期: 13 June 2016】星期一 來泰國點都要豪一次，點豪？對我黎講就係做一次豪既SPA。 來到第三天，今日就要離開曼谷，去另一個城市芭堤雅。 在網上訂了SPA，因為早上優惠，於是就排了在早上的行程。 歎完個早餐，Check out後把行李也一同拉到LAVANA。 冇錯，我地訂的就是LAVANA，離酒店不太遠，可以走過去。 早上優惠是揀指定的Oil Massage 120 mins 可以再送60分鐘的Facial treatment 或者Body Scrub 。 除開一個人都唔使三百港幣就可以做三個鐘，仲每人送多碟乾炒牛河。 其實今次係小弟第二次來呢間同join呢個優惠，上次來係冇野食。唔知今次係咪我小費俾多左，所以先有呢？ 歎完三個鐘既SPA，坐BTS來到EASTERN BUS TERMINAL，來到指定窗口，買飛，車費約124株，車程2小時30分。 去芭堤雅的車是在1號車位上車及侯車。 架車雖然舊舊地，不過都算好抵坐，都有好多香港人同車。 總站是在芭堤雅的汽車站，下車有需要可買回曼谷的車飛。 當然一落車會有很多的士司機招手，不過我們沒理會。走出馬路就搵篤篤車跳上去。 每程篤篤只係10泰株，去到海豚迴旋處我們就禁鐘落車。 不過呢邊篤篤車係比較少，所以可能要等一等。 因為今次訂的酒店就在海豚迴旋處附近，都算很方便呢。 這間酒店叫Green Park Resort，入面有個五星級泳池，椰林樹影，房間大又有露台。 詳情可以睇呢度[https://goo.gl/kdNIkr ] 其實來到都四點多。見到個泳池咁靚就馬上換左泳衣落去游下水。 游左陣就天都黑埋。肚餓仔，係時侯去下夜市。 走到BIGC附近有一個唐人街。不過我覺得已經冇乜唐人，全部都係泰國人係在擺攤位。 相對上年來這裡，似乎裝修過，變得更井井有條。 食左乜就唔詳盡介紹，不過呢度食海鮮同泰菜都幾平，也有香港大排檔風味。 食完行下BigC是指定動作。 見時間尚早，於是就去了Walking street，見識見識新野-酒吧。 兩條友膽粗粗走左入去一間飲下啤酒。 行到盡頭，見到有人在畫人像，又唔貴，於是就畫了一張。 本人就覺得佢畫得我對眼好邪惡。 然後女朋的腳仔都行得攰，於是用按腳仔來為今天劃上句號。 [走進泰國] CP值高的曼谷酒店[https://goo.gl/Y2u5AI] [走進泰國] 芭堤雅唔使400蚊一晚歎五星級泳池同椰林樹影Resort[https://goo.gl/kdNIkr] [走進泰國DAY1] 第三次來到曼谷的24小時 [https://goo.gl/J1AF5D] [走進泰國DAY2]其實無行程都可以緊湊 DAY2 [https://goo.gl/EYCnKR] [走進泰國DAY4-5] 珊瑚島一天遊 [https://goo.gl/OkPEUX] ————————————————————— 免責聲明:以上文章純屬筆者對於以上產品的個人感覺， 而效果乃因人而異， 如需協助或獲得更多產品資訊，請直接聯絡該品牌查詢或∕和尋求相關專業意見。 ***歡迎合作聯絡合作，產品、食品、穿搭分享: dickyso3213@yahoo.com.hk FACEBOOK: https://www.facebook.com/dick-6193303130/?ref=hl
