Salzburg, Austria 薩爾斯堡，有兩樣野出名，第一樣係鹽，Salz德文解作鹽，呢度以前靠賣鹽起家；第二樣就係Mozart, 莫札特既出生地。你會見到滿街既莫札特波型朱古力，小提琴狀既酒精飲品。 但我要分享既係呢個城鎮既奇遇。話說為左影呢張舊城加薩爾斯堡要塞(上面個殘破城堡)既美景(？)，我同我既朋友仔就行上對面座山既 Museum der Moderne Salzburg (現代藝術美術館)。係感歎美景既同時，我地雙腳都已經向我地控訴，皆因已經係個城行左4個鐘，又行上過要塞(個城堡，可以搭車上，但窮遊慳得就慳)， 就係呢個時候，發現美術館有lift搭落山，望晒周圍都冇指示，當然9衝搭左先。點知落到去先發現出唔到閘，頂,要俾錢先出到門，2.3euro一個人。此情此景, 我地當然唔俾啦，搭個5秒都唔知有冇既lift竟然要收錢!仲要沿路都冇標示! 諗住原lift搭返上去再行山，點知俾個職員喝住，話我地已經用左部lift, 一定要俾錢先走得。肉隨砧板上，唯有硬著頭皮俾錢。因為呢件事，令我對呢個城市既4小時好感化為0。完。
