事隔左就黎2個月，我終於又開始更新番。上一篇仲係prepare緊番香港要買既野同為有新屋而感到開心，依家我已經番番黎而且係新屋住左1個星期了。 我仲記得我上個月9號飛番黎，本身係話9號簽約但係太趕既關係，最後我前一日去左同aminstration個姐姐傾好，我今個月18號番黎先簽。而係德國最後果晚我做好cleaning還左條鎖匙入信箱之後就走左去東東到過夜了。 係香港留左5個星期都開心既。不得不承認係香港洗錢仲多過係依邊，雖然我媽媽係咁驚我冇錢洗而意圖塞錢俾我用，但係其實我番黎依段日子只要係同佢出去都係佢找數，所以我都唔想仲用佢d錢 ._.。因為冇收入感到不安既關係，我都番左8日part time。都係之前果份工不過我諗我再番去既話就唔會再做，真係做到好厭 xx(。 可能係香港過得太他條，我媽媽又好似驚我會餓死日日塞野我食，我番到黎之後竟然仲唔慣過我上年第1日黎依度果陣。So far番左黎個幾星期到啦，個人好stressful同exhausted。首先可能因為我依家住依度同之前反差太大，7個人係1間屋差唔多1出房門就會見到人，而且我有個女同學仲要住我對面屋。仲記得上星期我一落機黎到依間新屋果陣，已經見到個女同學仲要例牌寒喧幾句，然後夜晚過左佢果間dinner仲同住係佢果間既NDS吹左好耐水。唔係話佢唔好人佢唔好相處，簡單d講可能我之前住果度可以瘋狂自閉，又或者我本身個人就自閉，太social我依家勁想anti-social sosad。 第2就係我一直都唔覺自己口音有咁大問題，但係依個幾星期我竟然瘋狂俾新識既人話我英文發音，連NDS都笑鳩我普通話英文都唔好。我普通話差我認既，但係英文喎... 我感到極挫敗挫敗到野都唔想講 :0( 我個室友仲話我英文佢聽唔明決定用德文同我傾計練我德文 sosad That's why我真係好stressful。 今個sem我讀既科又算多，加埋每星期2堂既德文堂，我星期1同2都係full。唉好大壓力真心... 有時都覺得自己好麻煩，未搬前就嫌識唔到fd冇得social好慘，依家搬左就嫌要瘋狂social好煩。毒撚真係麻春煩。 話雖如此，我都enjoy尋日去礦坑既field trip。事源我都已經唔記得點解總之我有個同學organize左個去依家唯一仲運作既礦坑到參觀，尋日就係咁玩左一日。雖然全程德文我聽唔明 (其實明1dd既)，而且下邊又難行又熱又窄又陰森，但係係幾有趣同新鮮既，同埋我之後應該成世都唔會再有機會去參觀一個運作緊既礦坑。最後仲採左幾舊礦 (煤)番去留念，幾難忘同幾開心啦 :) 唉聽日仲要晨咁早死去auslanderbehorder到搞visa extension。其實好驚我淨係拎得1年extend，因為on99 3月係香港領事館整fiancial approvement果陣佢日期竟然係寫bis 2018而唔係2 jahre，如果佢聽日話我證明唔到我夠錢就仆街了。 唉希望之後會越黎越好，我唔想再中伏了。勿忘初衷啊，我本身黎係想去旅行，希望真係會去到多d啦！ Das ist das Bergwerk.... '0'
