本身今日約左要去Duisburg上我Climate change個professor office到check下份卷，約左1500我為左準時1440就到左。一直等等到3點幾都冇跡象佢有番黎office，於是就問下同佢同office d人，原來佢今日suppose係唔會係office :0) 因為佢要過Essen campus同其他professor開會... :0) 佢d職員幫我打左俾佢問，結論就係佢唔記得左.. :0) 叫我之後再約過時間。 真心我下星期開始就要上堂然後我就直接飛番HK，仲邊有時間約... 不過算啦 :0) check唔check都好小事啦已經。佢d職員可能見我咁慘特登上黎點知得個桔，於是同我傾左陣計仲請我食左個Berliner www 我終於有機會食到，係幾好食不過真係好甜www。佢地亦都有同我講原來今日開始直到下星期3都係慶祝一個德國傳統節日 (已經唔記得叫咩名) ，類似係慶祝冬天終於走然後迎接夏天來臨。That's why我今日搭車果去Duisburg果陣見到d人打扮到奇型怪狀咁，我仲以為有football match定Halloween wwwwwwwwwww Ich bin Berliner :0) 我有幾位同學好好人咁sd msg問我搵屋既情況，然後就約左我今日1600去間cafe到食tea。我另外果位識reject我間屋d人既同學都係度，細問之下佢同我講佢地最後都係prefer識德文既人，所以就冇揀到我 LOL，由佢啦我都理解既。一野傾左2個幾鐘水，然後我就去Die Brucke果度又見屋了。 今次係WG22，係2樓最篤篤既角落位度。雖然又大風又大雨我又著唔夠衫不過我1845就已經到左。加埋我有4個candidate，2男2女。果2個女人勁aggressive，好似group discussion咁攻擊我又表達到自己好想好想住係度咁。For example，我intro果陣話自己鐘意食野所以有時會自己焗個蛋糕然後自己食左，接下黎果個女人intro果陣竟然話佢煮野食好叻而且唔會好似我咁自己食會share俾其他人.... :0) 另外我地傾完之後果到d人話間屋因為近construction site所以會有d嘈，另外果個女人竟然話佢好鐘意嘈因為佢家鄉India都係咁... 我心諗洗唔洗啊。Overall我覺得個interview普通啦，問心我覺得間屋同d人都普通，冇話好強烈好想住，而且佢地都好似prefer識德文既人 (again)，不過唔得我都唔會好sad既...掛，畢竟都要3/3先知 :0)
