夜晚會去個女同學屋企食飯既關係，晏晝去左Aldi買支酒諗住拎上去，亦都順便買左今個星期既送。難得地見到蕃茄跌番落1.99 euro 1kg，大手買入左6個 :D 本身諗住今日買機票，難得見到Cathay direct 來回只係492 euro，就諗住即刻買，點知我去到payment個page佢就係load唔到我張debit card，都唔知係個網問題定我張卡問題。再禁番出去果陣，竟然變左520 euro.... 盛怒之下決定唔理住，食左d野打底就出發去我同學屋企。 打底微波爐焗薯，實在太方便 約左7點直接去佢屋企，因為佢屋企就係campus裡面既Die Brucke，所以就好似平時番學咁。遲左3個字先去到，除左支rose酒之外，我亦額外帶左包童星點心面上去諗住用黎佐酒，順便推廣下香港d小食。 晚餐由位女同學一手包辦，由於佢岩岩係佢家鄉Abania番黎，佢帶左d家鄉既野黎煮。而晚餐就係佢話Abania傳統既食物：一大兜混左類似cheese但又唔係cheese既野 (佢話Abania先有) 再有d paprika煮成既野，用黎點面包食。整體其實我覺得好食既，感覺就好似蕃茄醬加paprika再溶左d cheese係裡面咁。唯1就係唔太飽... 我又唔太好意思食太多haha，好彩黎之前打左底姐！除左依款野食外，佢亦都帶左佢屋企自己用grape釀既酒番黎，用黎佐依款食物黎飲。40-45%既濃度，說實話其實我覺得還好啦，不過我唔太鐘意烈酒既味，所以1小杯淺嚐下就算lu。 傳統既Abania food (?) 右上角細細杯透明就係果杯酒啦 果晚除左我、果位女同學同另外1個我地班既女同學之外，另外兩位分別佢地既roommate都join左，total 6個人。食完之後Abania位女同學突然話佢同屋果位Asian都好似係度，就叫左佢落黎同我交流下。好笑既係，佢唔覺得我係Chinese，佢左望右望好似係度搵邊個係我女同學口中既Chinese，直到我用Mandarin同佢講我識講普通話，佢先好似恍然大悟咁。 之後我地就一路飲各自買上黎既酒，開youtube播歌，再食下d snack咁傾計。我同我位女同學既果2個roommate傾左好耐計，傾到話大家都好鐘意食spicy野果陣，佢地仲勁好人拎左佢地今日煮既野黎俾我試食。直到大約1點見有d夜驚冇車，就有少少腳浮浮咁去左搭NE番hall了。真心覺得咁樣先係住hall生活囉，實在覺得自己依家依個hall真係好垃圾。即使我flatmate變到好好相處，即使依度係新都好，我住依個環境完全唔encourage依棟hall裡面既人交流，又或者可能我摺啦。總之希望下個sem搬到過去啦，經過今晚我覺得我應該會enjoy果邊既生活既~ 佢2位roommate請我食既野，不得不說個麻辣土豆絲真係好有北方味道。而下邊果個中東style既香料飯都係好食既 :P
