終於黎到最後一日。由於我其實冇特登同airbnb個host講我地之後幾晚係多左個人係度訓，所以佢12點番黎依間apartment交收key果陣，11點半東東同A小姐就走左先。本來以為佢會check下d野，但係只係好簡單咁寒暄左幾句~順利地交收完之後，就去左對面間cafe join番佢地。 我間airbnb對出既景~佢地就係紅色帳逢間餐廳等我啦 Last day本身諗住去Musee d' Orsay參觀，但係交收完已經有d晏既關係，我地去左附近寄左d postcard，同望一望人龍發現唔會夠時間排到入去之後，就決定直接過西堤島果邊，睇多次A小姐未睇過既聖母院。 入唔到去，都影一影個由火車站改建既奧賽美術館啦 依隻擺係Museum出邊既馬雕像都幾靚~ 沿住塞納河行去西堤島，其實行左半個鐘到就到。終於！係聖母院門口我見到問卷黨啦！但係我見佢同其他人做問卷果陣都冇同黨埋身偷野，所以....?_? 排隊入去果陣，出邊個保安同我地講唔可以拖行李入去，所以最後得東東入去睇左先，我同A小姐係出邊等，然後等東東出黎之後我地先入去參觀。 天氣都好差，不過條河幾靚既，好凍囉但係.... 聖母院Again！ 突然好想講，巴黎真係有好多韓國旅客，真係好多。 到我地入去果陣，其實.... 我都係唔太有好大既感覺，都係1個同其他教堂差唔多樣既教堂。不過！裡面中間特別高果個大廳位我係覺得靚既，果個位其他教堂唔會有。另外佢有好多公仔模型，我估係show聖誕既故事掛。裡面亦都有個booth講依間教堂發展既history同design，總括而言都多野睇同值得去，我會鐘意聖母院既內部多過聖心堂既內部。 覺得依個大堂好華麗好靚 聖母院既發展booth，覺得個3d圖既rendering ren得唔錯 :P 就係依堆公仔模型啦，都幾qq，雖然唔知佢表達緊d咩..... sosad 不得之了既豪華大堂，我係德國d教堂都未見過，忍唔住要讚歎一下 由於我同東東班機係夜晚9點鐘，而A小姐番London班機係2040，所以我地打算1830到機埸。上機前我地特登再去食多次Flunch，因為番到德國已經10點既事，落機番到hall應該都好夜，所以諗住可以食飽d。 Oh！My final Flunch in this trip :0( 係Flunch輕輕鬆鬆hea到1730之後就搭RER B去CDG機場。首先去左terminal 3送走左A小姐之後，就番去terminal 1 check in上機lu。今次班機同我地上次黎分別好大，分別在於少左好多人。上次班機係多人到d大陸大媽會爭位坐，而今次可能已經過左個假期，所以有好多空位，我同東東2個人坐3張椅，鬆動好多。 落到機出到train station已經2230，好彩趕得切2248班火車，同2330班NE巴士，唔係要等半個鐘搭下一班NE真係崩潰。 隔左咁多日終於番番去hall，出奇地又唔太凌亂同污糟。我番到入去果陣我flatmate仲好輕鬆咁煮緊野食 (大哥已經12點幾...)，仲好輕佻同我講Happy new year。唯獨好on9既係我擺底野即刻去沖涼啦，佢竟然話佢未沖涼問我沖幾耐。大哥12點幾你未沖涼係你問題吧？我話半個鐘佢竟然轉個頭同佢條女係電話講我要半個鐘blablabla。大哥我都識少少德文架可唔可以唔好咁肆無忌憚，不過算鳩數我得番2個月我就搬，理撚得你啦 :0)
