今日既行程係去凡爾賽宮，我地搭左去Invalides依個站到轉火車去Versailles Rive-Gauche Château站。由於我地既5 day ticket只係得zone1 - zone3，唔包Versailles，所以我地要另外買來回飛。小童飛盛惠1.75 euro...... 一落車首先過左去對面既M記食野，竟然有優惠！依間除左有Mcfirst之外，仲有3 euro 3樣食品，而我就要左1杯凍檸茶、1包細薯條同1個炸魚卷(?)。 3 euro 3樣野係依邊既M記黎講已經係好抵架啦~ 行到去凡爾賽宮之後，真係好震驚。震驚既唔單止係因為天氣太差又係灰矇矇又大霧乜鳩都睇唔到，而且已經勁多人排緊隊。所幸既係依度又係18-25歲既EU居民唔駛錢，我地唔駛排隊買ticket直接排隊show passport入場就ok。經過之前排5個鐘入地下墓穴既洗禮，係依度排個零鐘真係濕濕碎 ^0^ 天氣差到呢.....屌........ 又係多人排隊到打哂蛇餅 例牌經過完安檢入到去，就可以直接去借導覽器。凡爾賽宮既好處係佢既導覽器係免費借既，所以我都好有心機咁一度睇d房同design一度聽佢d history。佢d房既design真係好豪華好大，但係我一路睇一路有種感覺覺得依個地方好似Munich既寧芬堡宮。可能上年去寧芬堡宮已經嘩過既關係，依家睇凡爾賽宮又冇好震憾既感覺，只係覺得....嗯都真係幾勁。 其實我幾鐘意依把凡爾賽宮主門既鎖匙，真係好大把www 係幾豪華幾有氣勢既 我最鐘意就係佢d天花，真係design得好華麗~ 行完主宮之後已經差唔多4點。A小姐話想睇埋2奶宮，所以我地就穿過左花園都行左頗耐去到Domiaine de Marie-Antoinette。例牌安檢完再show passport就入左去，規模明顯睇得出差好遠，感覺又係好似寧芬堡宮隔離d up dup小宮殿。不過overall都幾靚既，佢用粉紅色做主色，好pinkpink好少女，幾特別既。 見到花園個景就覺得陰鳩公.... 少女pinkpink主題既2奶宮 又凍又肚餓，一睇完就即刻出發去火車站打算搭車番Paris。由於小弟尋日努力地寫好哂d postcard打算聽日寄，今日其中一樣我要做既野係買郵票。問左沿路d手信鋪頭都冇賣之後，最後係Versailles Rive-Gauche Château站裡面既Relay便利店買到郵票，1.3 euro一張.... 真係寄postcard都寄窮我..... sosad 今晚係最後一晚係法國，由於A小姐未食過proper既法國餐，我地決定番去第2日經過既Rue Cler Market既Cafe Du Marche到食晚餐。去到果到我例牌食油封鴨，而東東同A小姐就食煎雞胸。只可以話依間野既油封鴨真係好撚好食，好大隻好香不特止，外邊煎到好脆裡面好juicy，仲好食過chartier~! 當然佢貴d啦要12 euro不過我覺得物超所值啊！反而A小姐同東東叫既雞就煎得有d乾，所以黎到法國都係食鴨吧啦~實冇伏兼實好食 :D 真係好好好好食既油封鴨 A小姐同東東叫煎雞胸 就係依間餐廳啦，Cafe Du Marche~ BTW食依間餐廳果陣發生左個小插曲，我地入去埋位座底果陣，東東太大動作整跌1台人支紅酒，爆左不特止仲整污糟埋人地間衫。即使佢不斷道歉個男人個表情都睇得出係好不滿既。之後餐廳d職員叫我地唔駛理佢地會搞店，好彩冇叫我地賠番支酒姐......好彩好彩。 再次食多次Amorino雪糕就出發番airbnb，結束今日既行程lu。 今個trip最後1次食緊花花雪糕啦~ :0(
