2017年第1日既行程就係挑戰位於18區既聖心堂。由於一早已經聽聞依度治安係比較差，而且好多手繩黨果d黑人既存在，又近臭名遠播既Gare du Nord，所以黎之前已經做足心理準備，警介心都好重。 去聖心堂之前首先我地去左睇地鐵站附近既Square Rictus，果到有一幅Mur des Je t'aime，依幅牆上面寫滿哂唔同國家語言既我愛你，都幾有噱頭同幾多人影相既 :P 睇下有幾多遊客=~= 其實冇乜特別影張相叫到此一遊就走得~ 之後我地先出發行去聖心堂。但係最後發現，唔好話手繩黨，我連黑人都唔多見到=_= 好多人都話上聖心堂果條樓梯有好多騙子，但係果度實在冷清到1個點，反而睇得出有極多既遊客。入聖心堂之前我地亦都要做安檢，周圍都好多警察，感覺上依個地方治安好似嚴左。 聖心堂其實比我既感覺就同其他既教堂冇乜分別，只係外表係純白色感覺好乾淨。排完條隊 (屌法國真係乜鳩都要排隊同行樓梯)入到去參觀，其實就寫到明唔俾影相不過好多人都拎部相機出黎影相，有d仲要顛到開埋閃光燈 :0) 內部.... 都係1般既教堂咁，d彩繪玻璃幾靚既，同埋有無限既地方俾你點蠟蠋，裡面亦都擺左個聖心堂既模型仔，反而我覺得果個幾靚影左好多相 Haha。 傳說中既聖心堂啊！ 其實依度望落去既風景都幾靚，不過可惜又係天氣唔好囉 聖心堂內部其實都幾靚既 最鐘意就係依個聖心堂模型 :p 真係有好多蠟蠋........... 依邊既明信片係我咁多日見過最平既，只係需要2 euro就有10張，好彩尋日見到5 euro 6張冇衝動走去買姐。 睇完聖心堂之後就出發過左去我之前搵到係附近既Place du Tertre。果然係1個充滿藝術家氣息既地方，好多人畫家都係依d擺地攤賣畫，同即場畫人像素描。而依個廣場依都有好多小鋪頭，不過個感覺好明顯就係做遊客生意，所以d野都唔會話好平啦。依個小廣場亦都比我想像中多人，有好多旅行團，仲要比我發現有個香港旅行團係度，係異鄉聽到廣東話真係好親切 :P。 極多畫家係度擺攤畫人像 依個細路仔塊面黑到一個點 (不論幅畫定係真人....) 佢應該心諗：畫完未啊仆街 沿路行落山果陣經過左Place Marcel-Aymé，依個廣場有個穿牆人雕像，影左幾張相之後就出發落山去睇下個紅磨坊。沿途行果陣經過左間叫Delices Lepic既Asian餐廳，睇得出係1家人經營既，野食唔算貴而且d面全部手打，本身好想試下不過東東佢地唔想既關係，我就咁外帶買左1盒仔200g既炒粉絲醫肚就算。值得一提既係我竟然覺得好好食，如果之後我再黎依邊應該會黎依間幫襯下 :P 就係依個穿牆人雕像啦！搵左我一陣~ 依兜炒粉絲真係比我想像中好食 :P 落到紅磨坊其實主要都係想影張相，係紅磨坊對出既瑪麗蓮夢露effect影左好多相之後就出發諗住去行下老佛爺同春天百貨。 傳說中既紅磨坊！我地依d窮學生邊有可能有錢入去睇show~影張相就算了 以為今日雖然係紅日但係百貨公司應該唔會唔開啦，點知成件事錯哂。搭地鐵去到Saint-Lazare站再行過去，發現成條街好似死城咁1間鋪頭都冇開。本身打算去試下我地個host推介既Hanoi Ca phe越南餐廳，望到個價錢之後，我地就決定番去瑪萊區果邊食野...... 其實依幾間百貨公司既櫥窗設計幾特別，我就咁係度逐個逐個睇都睇左我半個鐘.... :0) 新一年既小確幸！L'as Du Fallafel竟然有開！而且出名要排長龍既依間野竟然唔駛排隊，好快我就買左個Schawarma黎食 (裡面係Lamb and Turkey)，雖然8.5 euro係有d貴，但係係值既，佢d蔬菜配料好好食，竟然有燒茄子，而且佢d醬既配搭都好好，又夠大份，食完都飽左1半。而東東同A小姐就要左最普通果隻Fallafel Special (6.5 euro)，裡面係就咁夾左用蔬菜整既Fallafel同其他配料，都好好食不過佢係全蔬菜~ 今鋪小弟想偷食肉 :P 好好好好好食！ 難得黎到依邊，我再過埋隔離再食多次La Droguerie既Crepe。今次我要左甜既Crepe，裡面係有honey，lemon同banana，都係好好食！ 問心既，我覺得依間既咸crepe吸引d既~ 之後我地一直向右行，去左Centre Georges Pompidou，又要排一條好長既隊同安檢先入到。入到去我都分唔清依間到底係art museum定library，裡面d裝修係幾特別同幾有design feel既，有個展廳好似係俾人瘋狂畫畫但係我實在參透唔到用意係咩。其他展廳都好似要收錢，所以我地去左精品店到行。裡面竟然有賣Joan Cornella既漫畫書，睇哂成本之後我地就走人番airbnb lu。 外型極古怪既Centre Georges Pompidou 尋晚買左送今晚依餐我地決定係自己煮既。我負責煮果1大兜意粉，東東負責冾菜。本身A小姐負責洗碗，但係佢皮膚敏感既關係，洗碗既重任都係交埋俾東東。最後我地煮得太多食唔哂，留左for聽日既日餐 Haha 2017年既第1餐晚餐就咁完左lu。 真係唔好讚哥 :') 題外話其實法國依邊既免治肉腸都幾好食
