自從第1日我地由Mairie de Montrouge站落車去airbnb之後，我地就冇再去過果個站搭車，反而係去左Malakoff Plateau de Vanves依個站。雖然2個站同我地間airbnb相距既路程都係十零分鐘，但係Malakoff依個站比較上係1條大直路，而且仲會經過果間Intermarché超市，出發或者番黎果陣都可以係超市買野。 不過我地張5 day ticket亦都係尋日係Mairie de Montrouge站到買 (最後1次去果個站)。因為1張zone1 to zone3既5 day ticket係要37.25 euro，果陣我地有d擔憂如果部售票機冇得入紙幣既話點算，不過原來係有2款機，只要揀有得入紙幣果種就ok。不過我地最後係買左zone1 to zone3 既小童5 day ticket...... 只係18.6 euro...... :P 今日既行程第1站係去Eiffel tower附近既Rue Cler Market行下同食野，去到果到已經11點半。本身諗住係去望下今晚打算食果間餐廳有冇開同試下間Amorino雪糕，不過去到先發現間餐廳係裝緊修，而間雪糕店亦都12點先開門，所以就睇左睇附近有冇可以取代既餐廳，都行左陣超市。最深刻係果度有間賣海產既鋪頭，有好多新鮮開好既生蠔同海膽，不過價錢唔係平，我地依d窮遊學生就算啦。依條街亦都有好多賣熟食既鋪頭，但係價錢都好誇張，所以我地都係買唔落手。 Rue Cler Market 係間超市發現到依支8角水飲品，感到不安 好吸引既海鮮！不過唔捨得食._. 等食Amorino其間東東走左去買左一盒caramel既雪芭(?)食，佢話好好食啦不過我覺得普通，同埋有dd貴囉好似要3個幾euro。 就係依舊雪芭，佢話好好食囉...... :-/ 終於等到間Amorino開，2話不說就買左個medium黎食，4.7 euro。印象中我揀左caramel、chocolate、Cafe、榛子chocolate、yogurt同開心果味，其實都幾誇張我都揀左唔少味，而且佢仲整左好大朵花俾我。我係覺得好好食既，果2隻chocolate味真係極濃，覺得係抵食過尋日間Berthillon。 簡直係味覺與視覺既享受 :P 不過好似話其實好多國家都已經有分店 食完之後就開始行過去巴黎鐵塔。好快就見到傳說中既我期待左好耐既巴黎鐵塔！屌！天陰陰勁大霧，個鐵塔直接冇左個塔頂=_=。好在行得越近個塔，就越望得到清楚塔頂，不過個天氣真係太差，影相都覺得好醜。 唉屌......... 唔知係咪因為今日除夕，鐵塔底下有個Market定嘉年華之類既野，亦都睇得出保安嚴密左，入去都要經保安check袋。個Market感覺又係好似Christmas Market，賣既野又係果d，係多左d鐵塔造型手信囉。其間行過一間賣wurst既鋪頭，痴線個價錢我可以係德國Christmas Market食到2條，所以都係冇賣到。 行到最後我同東東見到有間應該係主打賣cheese既小食店，類似既鋪頭我係香港既法國主題市集見過，都係賣即場燒熔一大舊既芝士然後刮面溶左果層落去d食物到。依間鋪頭係直接將 cheese刮落個夾腸/ham既面包到，我香港見果間就係刮落pat薯仔到。最後佢買左夾腸既芝士包 (7 euro)，而我就買左一大兜既芝士炒薯仔 (6 euro)。係咁凍既天氣食熱辣辣既芝士，其實係幾爽既 :P 見唔見到！個女人刮緊d溶左既芝士落個包到！ 就係依兜芝士炒薯仔，味道還可以不過冬天食依兜野又飽肚又暖個人好開心 :D 食完影完相已經比想像中晏，所以就決定搭車過凱旋門。BTW去MTR station期間見到有好多黑人賣鐵塔既精品，果然同網上d人講既一樣係平d既，果d鐵塔鎖匙扣1 euro有5個，於是就買左5個做手信。 凱旋門成人收費12 euro，如果係18-25歲既EU居民就可以唔駛錢上去。果陣S同我講話佢show本BNO出黎，職員當佢係EU居民所以俾佢就咁上去，於是我同東東就試下show 我地既Germany Visa睇下佢當唔當我地係EU居民。神奇地，佢睇完Visa果版，再睇埋我地既出生日期，就俾左我地free ticket ^0^，睇黎係歐洲做學生都幾多好處 Hehe。 竟然student visa都成功令到我有free ticket ^o^ 經過安檢之後行左一條真係又好Q長既旋轉樓梯先上到去，真係行到我依個小廢青有d氣偳，途中見到d韓國啊豬媽同local肥妹都累到坐左係度。上到去其實室內冇乜特別，裡面有一間精品店，行左1行就出左戶外睇風景。 就係依條有d奪命既長樓梯..... ~0~ 本身我地有考慮好冇上塔頂睇巴黎既市景，但係S同我地講巴黎既景最特別就係坐鐵塔，如果上鐵塔睇景咪冇左個意思，而佢係極力推介我地上凱旋門睇景既。親身上到去凱旋門睇景，發現S講既野係堅既，凱旋門睇景已經好靚，雖然天氣都仲係差差地但係見到哂巴黎既地標，而且因為凱旋門附近d路係輻射型咁擴散出去，依度睇得好清楚個規劃，成件事好令人興奮。另外成個凱旋門頂都有好多情侶係到合照.... 巴黎果然係浪漫之都 =~= 見到哂成條Champs-Élysées！ 望到巴黎鐵塔啊！不過都係冇塔頂 除夕既關係，晏晝4點凱旋門就已經關左，連廣場都唔俾人停留封左，可能係for今晚既激光表演用掛，好彩我地果陣已經睇完準備走。之後我地行好出名既Champs-Élysées，條街我最深刻就係有free wifi，同有好多名店，而且影過去凱旋門都好靚既，之後就冇lu。 去左附近既Pierre Herme買左2舊Macaron黎試，係好食既不過2.1 euro一舊，我真係試1次就夠。由於果陣已經夜，我地既第3個團友A小姐亦都會今晚到巴黎我地要去接佢，驚太遲食唔切飯既我地開始物色岩既餐廳。本身我上網tag左幾間係Grands Boulevards站附近既餐廳，不過因為今日除夕唔知佢地開唔開。但係我地係Champs-Élysées真係揀唔到一間岩既餐廳，於是就決定搏一搏搭車過果邊。 係好食不過係貴既Pierre Herme Macaron 落車第1間就係我tag左既Chartier，其實我tag果陣已經唔記得依間咩黎，係睇完價錢見幾平即刻入去坐底先realize到依間好似就係好多遊客都會去食seems that好出名好耐歷史既法國餐廳，而且好吊詭我地坐底之後門口就開始打蛇餅大排長龍，可能除夕好多餐廳都冇開，所以好多local同tourist都湧左黎依間出名既法國餐廳食佢地既除夕大餐，誤打誤撞唔駛排隊就黎左依間食dinner，覺得自己係有d小幸運 :D 就係依間傳說中既Chartier啦，佢地既招牌頭頂既金色俾客人擺袋既架 我既dinner set係醃魚柳、油封鴨、rum酒浸蛋糕同kronenbourg beer，東東既係酥皮塔、steak、brownies同perrier水。我自己個dinner set埋單係21.6 euro，有前菜有main dish有dessert有drink，一餐proper既french dinner，仲要係除夕，而且都幾好食既，算係咁啦！ 前菜+drink 我既main dish油封鴨 東東既main dish+依度提供既無限法包 我地既Dessert！講真我舊野個賣相好一般囉~ 食完之後我地realize到聽日係1月1日，應該會有更多既餐廳唔開，而且A小姐wtapps我地話佢未食dinner想我地幫佢買d野食，所以我地去左附近既超市買左包penne、意粉醬、1pack腸同1袋生菜加1盒3文治就番左我地間airbnb。 A小姐同我地講佢大約11點3就會係Eiffel tower附近落車，於是我地10點半到就出發搵佢。果然係除夕，夜晚條街勁多人，而且除夕搭地鐵係完全免費，d站既門會打開哂任人出入。有幾個地鐵站都封左，所以我地最後要係Trocadero站到會合。落車果下已經勁多人，好似美食博覽咁逼逼下先逼到上地面=_=。最後我地11點半先去到果到會合到A小姐 :P，不過見佢平安無事咁黎到，我地又平安無事咁接到佢，係好事黎既！我地既巴黎之旅又多左1個團友lu。 痴張紙出黎寫到明今晚係free~ 本身A小姐同東東都唔想倒數，因為驚唔安全同怕倒數完會好難番屋企，不過我見得半個鐘就已經新年，還店我地都唔會12點前番到airbnb，所以我成功說服左佢地拖左A小姐既行李同我去左Eiffel tower附近既橋倒數 :P 雖然official既倒數活動係凱旋門果邊，不過依邊都其實好人山人海。終於到12果陣，座塔好應景既閃左4分鐘既燈，然後，就，完lu :0) 全部都係人！ 真係好多人:0) 其實個鐵塔係閃緊架，希望睇得出啦 :0) 走果陣雖然都好多人，地鐵好逼，但係好順利1點前就已經番到airbnb，所以好彩我有拉佢地同我去倒數姐。Overall係法國過既除夕，都過得幾好 :P 題外話，倒數完搭車番airbnb果陣係地鐵俾個飲醉左既法國大叔挑逗，成件事實在有d痴線 :0) ~2017 Happy New Year!~ 祝新1年小弟心想事成順利畢業wwwwww
