我fd S話想去科隆大教堂睇彌撒，於是晨早9點幾就起身出發趕去睇12點個儀式。今日既Cologne都係冇乜人，同我前日黎Cologne買杯相比，人數真係差得太遠！我未見過咁少人既Cologne~今日好大風好凍仲要冇太陽，所以即刻就衝左入教堂。 難得地教堂終於有番d人氣，而個儀式亦都岩岩好12點就開始。係個堂既外邊影左幾張相就入去，入去果陣係欄出面d人同我地講唔好影相同唔好走黎走去。我地就咁坐左係祈禱果d椅到睇佢個儀式同聽佢up乜，其實好遠睇唔到佢做緊咩，講佢又講德文我地又聽唔明，所以都只係感受下莊嚴同神聖既氣氛就算。都逗留左成個鐘之後，我地就走左去搵野食。 佢話叫禮拜儀式喎，就係依d紅袍既工作人員叫我地唔好影相，不過勁多人影相=_= 科隆大教堂真係幾靚 :') 科隆沿大街行，完全冇餐廳同鋪頭開，人影都冇個成件事真係好誇張。前日仲人山人海既Christmas Market，今日拉哂簾收哂鋪但係未拆好似廢墟，個對比真係好誇張。 廢墟Christmas Market，我地走左去個荒廢摩天輪瘋狂影相 :P 見我fd好想食豬手，就Google搵左間seems that咩科隆美食排第1既Früh啤酒屋到食lunch。佢果到d豬手成14.6 euro一隻而佢d啤酒係0.2L 1.8euro。Früh啤酒本身就係出名既科隆啤酒所以係好飲既，不過冇得好似我上年係Munchen同Berlin果2間啤酒屋叫1L啤酒我覺得好失色，仲要貴d添。再者，佢既豬手好難食，太咸太乾，成件事就好似等你好口渴再逼你叫多杯啤酒咁，我fd問佢拎水佢係極差態度咁答No。Overall依間餐廳其實都幾worse，唔會再黎第2次，好掛住Munchen果間HB :( 就係依間啤酒屋，唔建議食第2次 講真咸到有d難食，不過又好夠飽既真係 食完豬手，再周圍行左陣，就搭火車番左我住既Kray附近買左少少零食同酒，準備番hall頹下咁過左個晚上。夜晚太飽就咁煮左個西蘭花食，然後就完luuuuuu。 難得冇乜人又安靜既Cologne~ ~Merry Christmas~
