今日有個fd S係英國過黎探我。本身我都唔知佢係London working holiday緊係今個月頭屎忽痕搵佢吹水先知，然後好快就決定左聖誕佢過黎搵我玩~佢晏晝點幾就落機，於是就約左2點係DUS機場等。 第一次係德國過聖誕假，實在唔知d超市依幾日會幾點關門幾時開番。本身冇買過送，點知去搭車接佢前先見到我樓下間Aldi 25 26號唔開加24號2點就關門。驚25 26會冇餐廳開冇野食既關係，唯有臨時變左去超市買d野先再去接我個fd，最後2點9先到機場。 本身DUS機場有個叫Skytrain既物體黎接d乘安來回terminal, car park同train station，但係今日無啦啦唔開變左要搭機場既shuttle bus，又逼班次又唔密又多人煩到嘔。接左我個fd之後望左一望機場間Rewe先開始搭車番Essen，發現間Rewe個價位其實同city既Rewe冇乜分別，早知唔駛咁趕特登買左送先接我個fd =_=..... 番番去我hall擺底d野之後就出發去Düsseldorf食晚餐。本身諗住去食我一直都想試既果間Schweine Janes，但係去到發現冇開，而且成個City都好少人好似死城咁 sosad，果然係平安夜..... 最後又凍又肚餓既情況之下，是但google search左間叫望江樓既中國餐館見有開就入左去食。1人19.9euro可以食到佢收鋪 (2230) 為止，包出邊bar既自助餐，、燒烤 (其實只係夾d生肉再同廚房要d咩醬然後拎俾佢炒) 同打邊爐。黎左依邊就2個月先第1次食Asian野，狂風掃落葉咁掃左1輪叉燒、飯同打邊爐既肉 :P 出奇地發現依間鋪d人係識講廣東話，原來佢地係廣東人。難得地黎到依邊有Asian識講廣東話，好有親切感 Haha 不過野食講真就麻麻啦，佢既麻辣湯底係清湯加麻辣油，其實好淡，d熟食可能趕左收爐所以收起左好多，最後我地10點幾就已經走左..... 會唔會encore....應該就唔會啦 Haha :P 不過平安夜咩都冇開食依間頂依檔都ok既。 餐廳裝修~ 都中中地式既 有叉燒啊！有炸魚啊！有飯啊！ 其實個湯底真係好麻麻，不過真係好想打邊爐 >0< 番Essen果陣有個小插曲，一個seems that幾靚仔但係飲醉左既德國人搭我地訕，佢瘋狂話自己識講英文但係佢d英文係英德夾雜，聽到我一頭霧水...... 最後上火車我地就急急腳咁就開左~_~
