尋晚訓前發現德國d Christmas Market好多都係今日最後一日，但係我1隻Christmas Market用黎裝Glühwein既杯都冇，於是決定今日洗完牙之後就去Cologne買隻上次我係Chocolate Museum出邊個Market見到好靚有d想要既杯。 本身今朝搭S1班車係0855先到Oespel，但係唔知點解早左開我0835就去到-_-，於是好快咁就入左間診所登記野坐度做第1個顧客等叫名check牙+洗牙。東東0910先到，佢黎到果陣我已經又左病房。個牙醫只係用左5分鐘check完我d牙就話我d牙perfect冇問題，然後就交左俾個姑娘幫我洗牙，過程只係10分鐘._. 全程真係唔駛收錢，洗完就走得~不過保險包埋架嘛，保費咁貴=_= d牙都洗得算乾淨既，又唔痛，我應該會keep住半年洗1次，用盡個保險。 走之前見東東仲等緊洗牙，就走左去吹陣水。因為約左今晚上去佢個Asian同學 (上次1齊去Münster) 到食飯，我同佢講我會去一去Cologne買杯先番Essen。佢同我講佢上次係Münster我未黎之前行Christmas Market見到有磨砂玻璃款既杯，話好靚好想要，俾佢講講下講到我都有d心動。本身諗住番1番hall再去Cologne，然後就變左臨時加插左係去Cologne之前去左Münster先。 係Münster落車之後得1個鐘時間就要上第2班火車去Cologne，沿途睇d Christmas MArket發現即使同1個Market唔同鋪頭都會有唔同款既杯。順利搵到隻杯再幫東東買多1隻之後，就跑左番車站預備搭2個鐘車去Cologne。 就係依款杯，事後我發現Cologne同Dortmund都有exactly依款杯只係換左印既city名，感到被玩弄.... '_>' 因為約左5點係Essen HBF等再一齊去東東同學既屋企到，係Cologne落左車得個幾鐘就要又上番火車番Essen。Cologne有5個Christmas Market，去左上次黎食過果間好好食既cafe買左個糖包食之後，我竟然好有心機咁行哂5個Market。 首先係教堂對出果個Market，佢個款杯紅色邊藍色底，但係由於佢直程有1個souvenir shop賣依隻杯，我覺得好唔特別於是skip左。之後去左Neumarket同佢附近既Christmas Market，1款係白底浮雕天使杯一款係紅色聖誕襪款，但係我都係冇買到。然後就係Altmarket個Christmas Market，係仲單調既棗紅色底印左字pot型杯。1d興趣都冇然後就直接去最後一站係Chocolate Museum出邊既Christmas Market，亦都好順利咁買左我上次睇中既淺藍色底杯。 教堂對出個Market隻杯。其實我覺得幾靚不過最後都冇買到。 最後係Cologne買左既杯 趕到火車站搭到番Essen HBF會合東東已經4點9。換句話說，今日我洗完牙9點半既旅程去到4點半先完結，中間有4個鐘時間係搭緊火車... 雖然好痴線，不過難得學生搭邦內既火車又唔駛錢，乘機當遊下火車河 :P，如果唔係學生一程要2x euro架！總結今日係買左2隻杯，1隻2.5 euro total盛惠5 euro！其實有d貴.... IKEA果隻好靚既杯都只係0.59 euro..... 不過算啦當紀念品 '_>' 雖然total 4個鐘火車有d顛，但係靜靜咁自己1個聽住歌望住窗出邊d景搭火車都幾舒適 :D 東東個同學住係frohnhausen附近，佢係tram station會合我地然後就一齊去左附近間Lidi買送去佢屋企煮。見佢拎左1大袋膠樽退款我真係嚇親，3個月既份量退到成7.5 euro，依個價我真係買到1個星期既送了。 聽說佢租既apartment係2人share，佢flatmate都係中國人，不過好似極品程度同我flatmate有得揮。好彩既係佢番左鄉下放假，所以佢先邀請我地上佢屋企作客。其實佢apartment個廚房都幾污糟，仲要因為佢果到租果陣唔包furniture既關係，佢間房感覺上仲吉過我，不過佢都打算下個sem搬走，都係住多3個月姐~ 今晚果餐東東整左蕃茄豬扒長通粉，佢同學煮左雞翼，而我就炒左個西蘭花，東東仲買左支香檳上黎。不過佢白痴仔諗住買alcoholfree但係買左支11%既=_= 佢地2個都唔點飲得酒變相最後我自己1個飲左2/3支。 依餐可以算係放假前既聖誕大餐！ 飲飽食醉，佢同學亦都好客氣咁唔駛我地夾錢，仲送左幾包炸菜俾我地之後就散band。今日過得好充實，顛到跑左3個城市，個人真係累到呢.......
