今日係2016年既最後1日番學天。由於無啦啦要present既關係，d同學約左今朝11點要番到學校傾topic+分組，但係好不幸我今朝10點起身打算用廁所果陣對面房個pk flatmate咁岩又要用廁所，而我竟然仲好好用咁讓佢用先 (心太軟的哥)，最後我遲左半個鐘先到 sosad 好彩既係我d同學冇怪我 (好似係)，而且仲有幾個仲遲過我..... :0) 我揀左sustainable city做topic，suppose揀依個topic係有12個同學，但係果朝番左黎既得7個。傾左一陣要睇d咩書同將d書分左2類之後，d人就各自base on自己想做果類黎揀組。其實我真係邊類都冇所謂，所以我等個靚仔同比較熟果個女同學揀左組之後 (佢地竟然揀左同1組www)，我就借d意揀左佢地果組wwww Hehe。不過一諗起依個假要睇3本novel同4份scientific literature，唉xx( 本身12點-2點係有1堂intro urban culture，但係好on9 11點先sd email黎話2個professor都take左sick leave所以今日果堂要取消，所以傾到12點到就散左去食lunch。扮Outgoing既我竟然成功地lunch完之後join左1小撮同學去cafe飲野同吹水，仲成功咁同佢地玩board game。幾好笑我地玩果d memory game，抽卡再配對果d。由於d卡係動植物，佢地順便教我德文，當然我都有教佢地果d野既Cantonese係咩，So far都幾融洽 Haha 4點果堂上完之後，因為今日係其中1個之前有gathering既女同學既生日 (上星期佢有提過今日會係佢屋企開birthday party)，所以我就join埋另外幾個同學一齊上左去佢屋企join佢個party。小弟第1次參加依d in house party，表示好-過-癮！其實都冇咩特別啦只係食d野飲下酒然後瘋狂social咁。今晚既小弟真係ultra outgoing mode ON我係咁同d唔識既人吹水，可能飲左d酒個人放左d所以都順利同到人溝通既。 最難忘係今晚飲左種叫Mexikaner既cocktail，極好飲有蕃茄汁辣椒係裡面，我d同學好似好驚我醉但係我1個人忍唔住飲左半大樽www。另外就係1隻我都唔知點形容既酒，聽d同學係1種好高濃度既熱酒，因為係將好多唔同種類既高濃度酒加水果係個大煲入面煲，然後上面用火點著一舊好大舊既糖燒溶落去。我見到佢地燒果一大舊糖果下真係嘩左出聲！個畫面有d震憾~而我亦都有試隻酒，真係好甜好易入口，亦都真係feel到好高酒精。為免番唔到屋企，飲左1杯就冇飲lu。 震憾性既畫面！佢地用酒點著粒糖再燒融落去！ Overall放假前最後一個上學天，同d同學都farewell得幾好，希望新1年可以同到佢地再熟d啦！ P.S. 今晚我同學個birthday party好多參加既都係佢d flatmate，neighbour。眼見佢地相處得極融洽，大家都預備1樣食物黎依個party慶祝佢既生日，實在好想知點解我flatmate可以咁撚垃圾，仲要上個月係我生日果日同我炒大獲，真係屌佢老尾好想快d搬 :0(
