未遲過到既我，今日竟然遲左半個鐘。原因係尋日真係完全冇食過野個肚太空既關係，朝早堅持要煮個面黎食所以遲左好多出門口..... 放假前最後一堂European City都上完之後 (依舊聽唔明佢up乜)，有個同學就黎同我個分組既野。事源之前咪提過無啦啦2月頭有present要分組既，我地班同學就決定聽日11點係原來班房集合 (因為朝早果堂取消左)，然後就傾點再由3gp人變6組同各自睇咩literature，佢地只係提我聽日11點準時集合wwww 今日唔想洗錢食lunch既關係，冇同其他同學social食lunch就番左hall自己煮。心情終於好番好多既我去左買1盒煙肉碎番黎炒香黎整薯蓉，食完之後感到自豪，同感到好飽..... 真心覺得自己叻^0^ 個鈙利亞同學今朝冇上堂，但係就post左段野話今晚我地會有個係Essen既Christmas Party。我先前完全冇聽聞過，有d驚係咪被isolate所以sd左msg問唯1有contact果2個女同學，而最後2個都係答我唔知有依件事同有野做唔會去www 於是，我都放心咁無視左依個活動。 好有心機連夜晚果餐都自己煮之後，realise到就黎要出發去巴黎，沖完涼之後就同Amy Skype左3個幾鐘傾巴黎d行程，最後2點幾3點先訓..... 真係好鐘意瘋狂用蕃茄加辣醬炒意粉 :P 不過睇行程真係會令到人對1個旅行充滿期待，搵到好多我想係巴黎食既野同睇既景點之後，我真係好想快d去啊~~~~ 希望唔會俾人偷野啦www
