終於又番黎星期3，尋晚太夜訓既關係今日又覺得好眼訓既~ 尋日冇出過街既關係，今日搭車番學果陣長期開左Pokemon Go捉精靈，因為想搵聖誕版比卡超，最後反而係學校捉左2隻吸盤小丑 :0) 一上堂就聽到恐怖既消息。2月1號present???仲要全班5-6人1組3揀1個topic黎present 30min再俾人公開討論???? 然後2月2我就要考試2月8號希考試，一諗起依個schedule就想笑鳩自己點解前幾日仲會覺得自己得閒，好心得閒就睇下literature啦 /_\... 另外今朝終於有Culture果科既書派，眼見今朝咁多新事件發生，例牌都msg左果個Asian女同學，而佢都例牌話幫佢分埋組同拎埋書..... :0) 關於分組，最後我d同學整左張list寫左3個topic既column俾我地填名，偷偷地望下坐隔離個靚仔同學 (我又順利成章坐佢隔離啦！) 填左邊個column之後，我就填左自己名落佢揀個column到 wwww 唔係話完全因為佢先揀Green City依個topic啦，純粹覺得依個topic好似易過Smart City同Culture City .... 何況1個topic會再分2組我都唔一定會同佢一組架 (好似係)。 落堂再次狗衝去左canteen食飯，雖然一班同學都坐埋一齊食但係天生毒撚既我當然拎部電話出黎打機，依個時候果個Mexico 女同學竟然開左1個 「(小弟)整野食好叻」既話題出黎，事源就係上星期6圍埋食曲奇係度傾計果陣我有講過同show過我整野食d相出黎，最後我又好shyshy咁講左一論我整過d野食~ BTW今日因為overtime既關係搞到好到canteen好多野都買哂，得番d古怪食物有d嬲 ._. 雖然塊雞扒好細但係冇得揀 :~( 恰眼訓既狀態下上完最後一堂，興奮地同靚仔同學say good bye之後，唔知哪裡來既勇氣，走果陣見到今朝上堂已經留意到坐我果行既覺得幾靚既新女同學都準備走，竟然走左去搭訕問佢係咪依班新黎既同學。佢同我講原來佢因為想下年報依個program，所以今日黎依度sit堂睇下依科係點，然後今晚就會搭番車番Berlin。本身因為太累所以都冇join我同學既例牌星期3 Gathering打算直接番屋企，最後竟然同依個新既女「同學」行左陣Christmas Market加傾左成個鐘計先走 ._. 睇佢樣以為佢好後生原來佢已經grad左同出黎做左5年野，佢major係讀East Asian Studies去過日本exchange 1個sem仲要識日文所以先同佢傾左咁耐。發覺見過世面既德國人真係同local鄉下人 (我flatmate) 真係差太遠，佢地識尊重唔同國家既文化之餘，亦都冇咁無知同自大，好彩住埋依2個幾月就唔駛再見我flatmate，希望佢早日收皮啦。 本身諗住今晚溫埋Climate Change先訓，廢時聽日又俾個professor問到口啞啞。不過依一刻都係算啦 :D 好眼訓決定早d訓算 :D
