又到星期1，今日又係得1堂1800係Bochum既lecture。話咁快依堂已經係最後1堂係Bochum既lecture，然後就已經係下年1月係TU dortmund既最後4堂RUHR lecture。由於我覺得我應該過埋今日之後唔會再去Bochum University (無啦啦去把鬼咩又偏又多難民)，雖然堂堂都覺得佢講d野好廢但係我都照去上啦。 上堂前係屋企有成5個鐘既時間，決定試下跟番尋日list既東西黎做。首先，竟然學校hall果邊仲未覆我cut contract既野。明明平時條友係秒回我今次竟然成個禮拜都唔覆，於是決定左依幾日都keep住send然後有冇回音都星期4就親身踩上去，真係好想快d搬走 =_=。 其次就係搵左陣工，見有一份廚房工之類既野係可以打電話or Wechat黎聯繫，就sd左個Wechat俾佢，點知我出門口番學果陣佢覆我，講左2句之後就話詳情不如等我親身去到再講。果份工係1間係Düsseldorf既川菜館，我考慮下係咪真係做打雜先應該最快都星期5先會去 (如果真係去既話)。 再然後就睇左陣保險既package，想知佢包咩然後襯有保險一次過做哂d 佢包既body check果d，唔想蝕俾佢。但係我最後淨係睇得明洗牙so...應該會拉埋東東同我1齊book洗牙掛，畢竟我冇乜信心我d德文可以應付到洗牙QAQ 最後confirm完今日冇新既WG advertisment之後，就出發番學lu。PK最後1堂去Bochum架RE40都可以delay成10分鐘，到底德國d交通有幾差 =_=但係多得依10分鐘，我去到Bochum HBF轉U35去學校果陣竟然撞到前日invite我去佢屋企食餅既女同學，佢仲主動走黎拍我同我傾計。 一齊去到大學既lecture hall坐底，發現去到最尾依堂只係得番連埋我4個人我地program既同學。例牌唔知個lecturer up乜，佢個ppt好似europe city果科咁只係得圖冇字，然後佢就照講稿讀哂d文字出黎，成件事on9到我開始後悔點解要黎上堂。終於捱到落堂，2個女同學同埋我一齊去搭tram番HBF果陣，我地班上星期先黎到仲遲過我既新同學竟然主動走黎同我握手打招呼！可能佢認得我依個Asian係佢前幾日fb inquiry果陣我有覆佢掛。全程我地4個都有傾計亦都有關心下佢黎到之後既野，佢話佢想轉由tech果邊轉做culture果邊，同埋佢依家住緊係hotel等緊January學校話會有hall位俾佢。全程既傾計我得出既結論就係，佢hehe味濃之餘應該都幾有錢，因為佢打算租既學校果個hall係4xx euro per month -_-。另外個女同學問佢識唔識同會唔會學德文果陣，佢竟然會唔打算學覺得用英文都溝通到。依件事唔係錯既不過我只係覺得係人地國家生活識番少少人地既語言都好正常姐...雖則我德文唔係話好叻但至少都叫日常生活既德文都認得係解咩。完全唔識wo，我想像唔到點生存2年 xx( 不過overall依個男同學既feel都幾好既又唔算aggressive應該都易相處掛，最重要係我地班終於好似有10個男同學啦！ 眼見今日應該都最後一次會咁樣係Bochum番屋企，我竟然好大膽咁決定由Essen Steele行4個字番屋企instead of搭巴士。其實8點幾依個鐘數雖然天已經黑哂條街都已經開始靜但係都唔算恐怖既，而且仲俾我想像中快番到hall，希望快d習慣依種又靜又冇人然後淆底既感覺啦~
