因為東東想食拉面 (我都想飲珍珠奶茶啦) 既關係，依個禮拜6我地決定左去Düsseldorf探險。 約左10點半係Düsseldorf HBF等，其實最後我地都係搭同1班既RE1，不過佢車頭我車尾。出左HBF之後第1件事我就帶左佢去上次個Asian女同學帶我去既果間極大既韓國超市。雖則我mark底左落Map.ME，但係方向感唔錯既我成功地唔睇map就記番條路帶左佢去果間叫Hanaro Market既超市。今日多時間所以詳細地再睇多次佢d產品，其實價錢都還好既.....我諗我最大機會之後會係佢果到買既應該就係即食面同餃，但係到底點樣將d frozen既水餃運番Essen呢.......?_? 豪氣既東東幫襯左依度1euro 1小罐既提子汽水，性價比黎講我真係唔會買得落手 :0) 悠限地行左附近幾個既亞超之後，就行左過去Konigsallee。條街2邊都係大量既名店，個feel好似行緊尖咀/中環果d名店街咁，其間亦都例牌要陪東東去睇LV、Gucci依d我係HK都冇入過佢地專門店既名牌，然後就開始讚歎中間條河既景色。拿，雖然條河d水又濁又唔乾淨，但係連埋河邊d建築影過去d景都靚既，我都忍唔住影左2幅既矯情既寫真 sosad。BTW依度既Hollister極貴 O:) 影落去幾靚既Konigsallee河景 (with SC effect) 想去Aldi搵聖誕餅既關係，我地去左Konigsallee盡頭既都算大既Aldi行左陣，好順利咁搵到隻聖誕餅！雖然個包裝有d唔同....但係價錢同份量都一模一樣於是都即刻買左黎食。最後係發現，味道係相同既！ 出左Aldi之後就開始向著Altstadt既Christmas Market進發。途中走左入間火車模型鋪睇，d模型係好細緻好靚，不過我真係冇乜興趣._. 去到個Christmas Market之後，其實發現d野都係同其他city既Market差唔多，兜左個圈聞左2野d Brotwurst之後就行左出Altstadt條Rhine River度。 Market對出有個男人用沙雕依2隻狗既Model，好有心機好靚但係小弟係窮學生唔捨得俾錢支持佢 ._. 今日天氣好加埋兩岸d建築，個景我見到真係嘩一聲！好靚！見到對岸有1大片草地，如果夏天果陣黎一定好爽。 真係覺得夏天黎Rhine River河邊會舒服到一個點 沿河行左陣我地就開始搵野食，本身東東提議話好似上次cologne咁搵間cafe坐底食，但係去到一間佢是但google map搵附近既cafe發現，果間野好似酒吧黎.......於是我地就折番左搵cafe果陣行經既一間極香同埋食燒豬肉叫Schweine Janes既鋪。入到去發現，嘩d豬手 (定唔知豬腳) 一排咁吉哂係1條橫金屬架到燒，陣陣燒豬肉既香味飄過黎仲要暖粒粒真係好不得了，重點係價錢唔貴！雖然最後我地唔係食燒豬手，佢要左個燒豬肉既包而我要左個煎肉腸既包，但係好好食之餘亦都發現依間鋪既燒豬手/其他main dish一d都唔貴。由於佢個肉腸包係即刻煎俾我，係我等緊果10分鐘期間見到都唔少人點燒豬手食，見個份量夠大價錢又唔貴，就已經決定左bookmark依間餐廳，下次夜晚黎依度食！ 東東隻燒豬肉包係第1個既Schweine-Brochen，而我隻肉腸包就係第3個既CEvopcici-Brochen 睇住一排排燒豬腳真係極吸引，仲要又香又暖... >0< 依隻肉腸包係即刻煎！好好食！ 行番出Rhine River之後發現冇左太陽天氣凍左好多，過左條橋去左河既對岸行左陣之後就即刻上左tram番HBF飲珍珠奶茶。再次因為我既超強方向感，唔駛用Map.ME我都搵到間奶茶鋪 :D weekend既關係今日既鋪頭都幾多人，好彩既係當我地買完坐底飲果陣，先開始更多人黎幫襯仲要排隊排到出門口。坐左係度成個鐘，感覺好似去左台北咁，觀察亦都發現，真係好多後生既Asian黎幫襯，果然大家都掛住老家既味道 O:) 終於飲左大杯裝既珍珠奶茶(3.8euro)！隔離係東東我覺得太甜既焦糖珍珠奶茶(4.3euro) 行番去Konigsallee附近既Shopping Mall兜圈之後，大約5點9就去到上次果間拉面鋪。果然係weekend門口已經有7.8個人排緊隊，但係又好好彩，當我地排緊果陣突然開始多人黎到排隊，短短10分鐘我地後邊多左10幾個人 -_-。今日我點左碗多肉版既原味 (?) 拉面，可惜蛋賣哂既關係冇得加蛋，而且感覺上可能因為今日weekend多人幫襯，好似細碗過上次咁。 好似細碗左既多肉版拉面 等食拉面果陣我突然收到果個international女同學fb msg我，問我一唔一齊去其中1個女同學既apartment到for cookie and wine。對於突如其來既邀請我真係有d shocking，但係亦都因為咁，我終於！黎到依到第41日！有第1個我同學既電話號碼啦 :0)。因為本身我地食完拉面之後都諗住散band，問清楚果個女同學既時間同地點之後，經過東東既提醒買左支酒，就出發由Düsseldorf番Essen去女同學個apartment度。 個女同學住係Essen既Frohnhausen，係我住果度既另一邊黎。佢apartment好近車站，我7點4由Düsseldorf上車around8點就已經到佢屋企。依個gathering連埋我，total係5女1男.... :0) 1個India女仔、1個Mexican女仔、果個fb msg我既外國女同學同2個local女同學，雖然唔知點解佢地會邀請我，不過都開心既，依件事證明我想融入同學既計劃終於有一個大既進展啦！ d女同學整既曲奇餅，面頭既糖霜用檸檬汁開好好食 :3 飲下酒食下餅用下我d爛英文溝通完之後，大約11點3就散band。雖然大家都住Essen，但係我實在冇諗過我番到hall竟然要1點，而且最近我個hall既NE巴士站都要行成半個鐘先番到我hall，第1次咁夜自己行依條路番hall真係好不安，touchwood沿路都冇事發生。望住頭先一齊走既女同學車都唔駛轉一程車就到Essen town city然後就行番佢地既apartment，我真係好想快d搬啊 QAQ
