終於等到今日，其實今日係大日子。因為小弟我黎左依度已經第37日，終於等到我可以去Essen既移民局做registration。容我係度無限吐糟，website果度寫到話咩黎到之後既一個禮拜內就要做registration，做唔到就會罰錢blablabla。頂你個肺我黎到第2日已經做appointment book時間做registration。其實city做registration都係親自上去先到先得，果度d人黎到第2日就已經做完registration，我以為依度book時間搞應該都好快就有。屌那星等左2個星期都未有回音已經有d不安又番學校international office問又托人幫我打電話，得到既答覆都係依個city係咁架係要等架你預3個星期至1個月啦....WTF？？終於上個幾星期就收到email俾左今日既0920 timeslot我。真係隔左成個月先有得整.... :0) 整唔到registration其實冇乜大影響，最大影響係我冇果張Anmeldbestatigung搞到我開唔到bank ac。成件事真係好on9..... Anyway本身以為今朝果堂可能會上唔到。計計下唔係喎，0920就去做然後我個同學同我講大約15分鐘就整完走得....姐係我上得切堂wo。於是就帶埋筆記d野預左整完就直接番學校。本身計好哂應該唔會遲，點知架巴士既關係我去到HBF竟然已經九點一，行過去個office要3個字既關係由於好驚遲到會miss左我個booking於是我嚇到開始係路上狂奔去office度。由於係大堂又要check安檢又要部電梯壞左要行上去既關係，上到去303/4號房門前等已經係0923分既事。一度等一度好驚會唔會已經叫左我個名然後miss左，已經諗緊好冇問下d職員果陣終於聽到我個名。入去擺底d文件再出去等再入去拎文件走成個過程真係15分鐘就完成。個職員仲幫我book埋下次既appointment做visa extend。我visa4月尾到期而佢俾左28/4我..... :0) Whatever啦都係依個office話事架啦佢要咁遲我都冇得揀 O:)。 係學校個tram station落車果陣撞到1個女同學，otugoing mode on既我當然唔放過依個機會。落堂仲好outgoing又同d同學一齊lunch完再吹陣水就開始今日行程既下半部：開bank ac同交個ac俾保險果邊。 去到town city個sparkasse，問清楚左係咪student bank ac冇任何附加收費、月費、限制之後就拍板開左。全程見個女職員都係問完我d基本資料之後就自己做自己野冇點同我吹水，到最後我問佢問題果陣佢叫我等陣然後叫左個職員入黎幫手，先知原來只係佢英文唔好所以先冇點同我講野。果個姨姨級職員極好人，我簽每份文件都同我講一次係關於d咩，又肯答我所有關於銀行戶口既古怪問題，最後仲同我傾點解過黎讀書之類既野，overall個過程係好好既。驚喜既係佢問我用唔用online banking啦，我當然話用，之後佢俾左個TAN(?) no 既generator我。由於我記得東東講過話每次用online banking改data定過數都好如果冇個generator就要用電話收sms黎核實自己身份仲要每個sms收0.6euro，而依部機佢話要買9.9 euro所以佢打算買。當我收到依部機而佢同我講因為我係學生所以唔駛俾錢果陣我心裡面好興奮，因為我本身係預左online banking係要瘋狂俾手續費，依家可以省番 (定其實東東佢7冇問清楚炸) 個人真係好滿足。 好快過埋保險果邊交埋銀行戶口之後，就碌左番hall。番去之前由於驚電話卡冇得用 (suppose今日完因為我係上個月6號開始依張卡) 所以去左Aldi買電話卡順便買左d野食，隻聖誕餅 (上上一篇果隻) 真係極好食，我見到得番幾包果陣我忍唔住又買多左包。買Prepaid卡果陣因為要直接同收銀個姐姐講佢先會拎俾你，唯有格硬講d垃圾德文同佢溝通，佢竟然成功地聽得明 :0..... Suppose今晚要早訓因為今朝又早起聽日又要上full day，而我竟然聽左某人講走左去睇韓劇。幾好睇既不過好難明囉....... 完 :0)
