個女同學撩完我報德文course之後，心思思既我決定今日同佢一齊上果間學校問。由於個A2 German course係2個月既intensive course，485euro每10個星期每日上3個半鐘，其實幾吸引仲可以3月頭我番hk前完。但係我1，2月應該會忙到hihi因為又多1堂要上2月又有考試，有d驚報完會瘋狂上唔到堂所以真係要諗諗。我12月尾仲要過Paris跨年番到Germany都4號，德文course 2號開始...... :0) Deal好左1點半係Mensa等，1點準備出門口前上果間學校既website睇間野係邊先發現inquiry time係由1230-1330....wtf1點半先到果到佢收左皮啦。如是者我即刻同個女同學講，而佢都即刻走左過去果度話幫我問埋就算。話雖如此我都照出左去，因為好想買多條訓覺用短褲同埋想番學校print野。出緊去果陣個女同學sd msg同我講去到發現間學校直程冇開 :0) 所以約左下星期先再上去，咁大間學校竟然閒日冇學真係奇撚怪怪。Anyway依件事暫時告1段落先。 番到學校衝左上2樓間藍色library print野，入到printing room發現完全唔識用所以就走左去問counter d職員。勁好用個女職員仲教埋我點用scanner，痴線個scanner高科技到一個點我覺得我之後會瘋狂scan野 haha。BTW print野1張要0.04euro，都reasonable既不過我諗我都會盡量少print為妙~ 過左黃色Mensa到增值for晏d洗衫，然後就去左hnm想睇下有冇特價短褲。完全睇唔岩最平5euro果d短褲醜到1個點，7euro2條果d就好似底褲咁既野。打定輸數既我走左去睇正價既棉短褲，價錢大約9.99euro-14.99euro，諗左好耐買唔買既我竟然發現唔知點解其中一條俾人痴左張5euro既特價貼紙上去！覺得尋到寶既我即刻拎去試，再check下到底係咪爛左先咁平，驗屍咁驗完發現同其他冇分別之後就去左俾錢，而佢亦都真係收我5euro ^o^ 覺得自己好成功咁又買左平野。 搭車番去hall附近既Lidi同Aldi買野，洗完衫 (黎到依邊之後第2次用洗衣機洗衫)，炒左個公仔面俾自己食之後就好早訓lu。聽日要早起身同東東過科隆~
