今日起身本身諗住上堂前番學校print1print野for下星期registration用。最後當然太懶散既關係放棄下左而決定之後再搵日去print。開番好耐無玩久違既白貓先發現，有個500層既活動仲要就黎完，於是下定決心今晚訓覺前要盡量打 :0) 係我一度行去上堂一度打白貓果陣個asian女同學從後拍我，同我講完拉面冇得book位之後就笑我做乜咁大個仲掛住打機 :0) 逢星期4依堂係我覺得最有趣既一堂，雖然d野我覺得唔係普通既難，但係至少我知道佢發生咩事同埋我相信考試前睇下佢既ppt應該就ok。不過有樣野好吊詭既係，明明已經第7個week竟然依一科有新同學 :0) exam registration period都已經過左....... sosad 落堂之後就搭去HBF再轉車過去Düsseldorf，途中同個女同學都講左幾多野，佢又講佢之前Holland讀書d野又講佢Language course d野都有講佢男朋友d野。原來佢係為左佢男朋友先去德國依邊，唔怪得佢讀完master之後又讀master..... :0 當然我都有講番自己d野，最後又俾佢笑我，雖然佢d comment我聽完又少少高興 :D 大姐姐果然大姐姐見解都唔同d。BTW佢好驚訝hk原來係用英文讀中學同大學，亦都好驚訝我地d廣東話打字點解佢會睇唔明sosad 俾左一段仔我同其他fd chat既內容佢睇佢完全睇唔明，其實都幾好笑冇諗過原來差別都幾大。 我真係對德國既交通好失望，由Essen去Düsseldorf依段咁短距離既車程都可以唔知有咩出錯中途要係Duisburg轉車，搞搞下又搭左成粒鐘先到。一落車，首先佢帶左我去一個韓國market到買野。嘩真係不得了到一個點勁多野買零食、肉、菜、調味料、面乜春都有。間野叫Hanaro Market。由於我好想食公仔面既關係，本身我睇中左1包5包裝既特價公仔面，2.95euro，睇清楚先發現，fuck過期既。原來依個market會將所有過期野都特價出售，簡單d講特價既野9成都係過期，有d仲過左成個月。最後我買左一包5包裝2.6euro冇過期同特價既公仔面，結束依個回合。 P.S 你老尾隻公仔面原來冇味粉 :0) 就係依隻啦！唔會再中伏.\_/. 跟住就行左去間拉面鋪，間野叫NANIWA Noodles & Soups，沿路都係日本餐廳，唔怪得尋日個男同學同我講Düsseldorf好多日本人聚居啦。其實日本都幾好啊，點解佢地要黎德國生活呢?_? BTW講番間拉面，其實我之前已經search過見到好多人話好食已經心思思想試，所以其實我好大期望。個女同學講到話一夜就會好多人排隊有排等。一路黎果陣佢已經講左好多次話死啦死啦遲啦遲啦實有排等啦，但係去到果陣，雖然冇位但係冇人排隊所以我地係第1個，等左一陣就入得去啦。 價錢覺得唔算太貴，最平既拉面1碗都只係8euro，普遍9-10euro，其實同hk差唔多。我屎忽痕竟然叫左碗雲吞拉面，最吊詭個女同學竟然跟我一樣，我地亦都另外叫左碟6隻既煎餃。擁有A2德文程度既女同學用德文同個waitess落單，個waitess用德文同我地講大約唔知點樣用set叫 blablabla會平d，總之好似就係會比散叫平1euro所以就跟佢建議咁order。依間鋪d人應該全部都日本人黎，因為見佢地私底下都係用日文溝通。 覺得價錢同hk差唔多 煎餃我就覺得普通啦，冇話覺得特別好食定唔好食，不過咁耐冇食過餃子依d asian野食下都幾開心。之後終於係主餐拉面啦！由於加蛋同牙菜，蔥都free，所以我地都加左。黎到發現碗野都幾大！雲吞有5隻，肉又有5-6塊，只可以講大食如我食完之後都覺得飽飽地。味道係好既，連唔食蔥既我都食哂，所以overall黎講我覺得，我係會再黎食既！當然可能我圾圾嘴太耐冇食asian野所以只要味道正常就已經覺得好好食 :P 但係性價比黎講我真係覺得ok。 個煎餃我覺得普通啦，主要都係食拉面 真心覺得幾好食，盛惠9euro既依碗野我應該會再食 題外話，埋單果陣一定要望下佢有冇計錯數，因為最後我地走左睇番張單先發現佢計錯數貴左1euro，變相個waitress幫我地省果1euro係抵銷左 :0).......... 滿足既哥好興奮既跟住佢去左飲珍珠奶茶。間野果真好近HBF，仲要係台灣人開，總之成件事個氣氛都好台灣。間野叫Teamate，中杯3.3euro 大杯3.8euro。女同學講到大杯真係會飽到反胃所以我都叫左細杯就算，例牌走甜走冰。結論係個奶茶係香同好飲既，珍珠就.....都唔差都ok異國食台灣野真係算係咁，但係我飲慣天仁茗茶佢d珍珠真係冇得輸所以依間d珍珠奶茶輸俾佢我覺得好正常啦。總結黎講，依間珍珠奶茶我都應該黎keep住瘋狂黎飲既，因為我真係太鐘意珍珠奶茶 :D 真係好Asian啊！^0^ 食完野去得搭車番到Essen都差唔多9點。一番到去個垃圾flatmate竟然終於搵我傾 :0) 連埋佢個垃圾女朋友啦當然。Overall個conservation都ok既，氣氛都好既，我亦都好努力扮到好friendly，唔知佢係咪都扮到好friendly啦。總結就係佢希望我注意下用完廁所唔好咁濕，而我都直接同佢講希望佢注意下用完廚房要抹番乾淨，叫和平咁結束左依次對話啦，希望keep到個和平氣氛到我搬走或者佢搬走啦。 發誓打白貓event既我最後打到成4點幾，累到痴線，哥真係老啦 :0)
