星期3係每個星期最chur既一日，因為有滿滿既3堂6個鐘既課。番到去就已經發現d同學已經搬好哂d位，所謂要encourage discussion既氣氛 :0) 好彩我番到去都算早可以搵到個唔前唔後又唔會冇人見到我又唔會太多人注意到我既位置坐。 d同學陸續番到黎果陣，我發現唯獨我右邊個空位d同學寧願坐到勁遠都唔坐埋黎。我覺得好尷尬既我唯有扮睇唔到。去到後期，我地班唯11個靚仔既男同學最後一個番左黎，竟然坐左係我隔離！哥極感動！終於唔會咁凝眼吉左個位 :0)。 第1節堂完左之後，第2節堂上之前既幾個字break裡面，我做左3樣野， 1.我係度食因為之前既極肚餓既經驗而今日帶番黎既好好食既東哥介紹既butter餅 2.上星期有個女同學借左隻usb俾我，裡面係依個program d堂既ppt，我走左去還番俾佢兼吹左1小陣水 3.成功同左果個靚仔男同學吹左陣水。利申，係佢主動先 :D 第2節課完全係European city d fd我完全唔明佢up乜鳩。實在唔明點解依個professor (同1個professor黎) 可以1張圖講半個鐘而個ppt連文字都冇，2月依科考試我都唔知點考 :0) Lunch果陣扮outgoing既哥終於成功問左我d同學會唔會去mensa，我仲好叻既痴左去搞excurion果個男同學到，美其名係想問下上堂聽唔明既野其實係想有個伴一齊行去mensa :0) 哥係今個星期3實在覺得同上個星期3差太遠，全程lunch我竟然可以keep住同到d同學傾計 (其實主要係傾我個垃圾flatmate)，真係多得我個flatmate。有個女同學同我share左佢拎scolarship d野，因為我都想報而我之前係daad搵左勁耐都冇岩我既scolarship所以我有問佢detail，最後發現點解我冇得報因為個scolarship for既國家冇HK，但係有China，我實在.......唔知講咩 :0) 個女同學亦都兌現承諾帶左我上佢個hall到睇。當我發現佢棟野係mensa行過去唔駛10秒果陣我真係震驚到1個點。根本就唔係學校附近，係直接係學校裡面囉！樓下係cafe，行上一層就係hall既地方。中間有個平台，apartment係1棟棟house黎。6個人一棟，有個大廚房 (最緊要有oven同洗碗機！)，有電視，大廳。樓下2間房1間toilet，樓上4間房1間toilet。佢間房係樓上，雖然睇黎裝修有d舊，但係size同傢俬同我本身個hall差唔多。我真係極有衝動搬入依個地方，可借最快都要4月因為我依間垃圾hall規定要3月完sem先完得約..... 睇完之後落番cafe，因為個女同學要其他同學傾project，我竟然又可以好叻咁再同左2個坐左係到等上堂既女同學 (冇錯又係女同學) 傾計，其中1個係借usb俾我果個。終於，我又可以講我flatmate，同講番上星期我好再意既data collection同politics既topic，就咁一直吹水直到上堂。 順理成章，我又坐番係果個靚仔隔離，仲好主動咁上堂前同佢傾左陣計，哥已經決意之後上堂都多d坐佢隔離，真係好想埋個男同學堆 :0) 因為依堂上星期取消左，而個professor其實都kind of 依個program既負責人 (其實係我讀緊既理科依邊既program) ，佢又問我地上星期講果d意見-_- 搞到我d同學又湧躍地重覆左一次，搞左1輪先又上堂。其實我自己覺得依一節係成個sem其中最有趣既一堂，可能因為係我理科果邊既堂啦，朝早文科果d真係聽到我呢.....:0) 落堂走果陣我決意要問左個男同學叫咩名先走，我竟然成功問到！然後因為個asian女仔今堂終於有上堂，佢主動問我一唔一齊行去train station然後我就好快速咁執野同佢一齊走lu。 一路上傾計果陣，佢問我有冇興趣聽日落堂之後過dusseldorf食拉面同飲珍珠奶茶。其實我本身之前search到網上有人提果陣就已經好想去，竟然有個人約我我緊係即刻話好啦！就係咁聽日落堂有節目luuuuu 番到hall心情愉快既我已經忘記左我同我flatmate既戰爭，見有太多薯仔就黎發牙就一次過用微波爐黎整薯片。結果係大成功既！不過要係度mark番底，切薯片果陣千祈唔好太薄，同埋2面加埋5-6分鐘好啦，唔係就會農=_= 大成功！真心覺得自己叻~^0^
