哥黎德國讀書既第一程歐遊，就係德國下邊既瑞士啦。經過一位巴打既介紹，我聳恿埋東東一齊參加依個去Rhine Water Fall, Lucerne同Zurich既day trip。依個day trip係由一間叫Studenten-Uniflucht既travel agency搞既，可以揀由自己既城市坐車出發都得，價錢由50-55euro。為左可以同東東同一架車，見Essen同Dortmund都係55euro，所以先揀左去Dortmund HBF上車。 去到個Bus terminal之後 (老實講唔係東東帶我自己一個應該搵唔到個terminal)，研究左勁耐先發現到架所謂極comfortable既巴士。WTF仲差過我之前塔MegaBus (好似係) 搭去Amsterdam果架巴士。冇得叉電啦，窄啦，殘舊啦，心諗點係依架車過夜訓到聽朝早到瑞士啊????? 東東其中2個同學都一齊join左依個trip，其中一個叫花生既同學來自巴基斯坦，細我一年既朋友。佢都係住Dortmund所以大家都係Dortmund上車。齊人開車發現極少人，滿心歡喜諗住好寬倘可以打橫訓，fuck原來架車會去埋Essen、Duisburg同Frankfurt接客，我真係太天真 :0)。東東另一位同學 (o媽) 係Essen上車，而另一位介紹我地黎既巴打 (Cyrus) 就係Frankfurt上車。 Outgoing既東東好快就成功撩左一個同車坐附近既人傾計，而我都同個巴打嗲左2句。最後勉強都訓左一陣啦，然後大約7點幾就到左果個所謂好撚壯觀既Rhine Water Fall。由於果陣個天未光，個景完全唔靚，見到果下我真係心諗：屌！依條小溪黎架？ 未天光果陣影既Water Fall 與此同時，個旅行團開始派早餐。發現自己都係太大期望，早餐只係一個凍既沙律菜包。我個人簡直有少少太大既衝擊。 落車例牌影下條小溪，再沿著條路慢慢行近去個溪隔離，再行上去影相。天氣凍又天未光，其實真係好有衝動番上車訓就算。不過覺得自己一定唔會再黎既關係，都格硬影左幾張既 (其實都唔止幾張)。講真，行近之後隔離望住條瀑布，係幾壯觀既好似係，同埋天開始光，個景都開始冇咁核突，所以最後，都覺得值值地既，不過真係唔會再黎第2次囉。 天光左之後再近距離影既，其實都ok壯觀既...掛? Around 8點半就番左上車，坐個半鐘車就去到Lucerne。襯依個時間我都極快換左張電話卡。不得不讚嘆HKBN張漫遊電話卡，黎德國前家母叫我帶走諗住唔會有用啦，原來佢既4日600mb係可以唔駛連續4日咁用，仲可以係好多地方包括瑞士都用到，速度仲要唔算慢，打算之後可能都叫家母幫我增值我之後去day trip or短期旅行都用番依張野就算。 Lucerne依個城市我前晚search過，最重要係睇HofKirche、Lion Monument同Kapellbrucke。會係依度逗留3個鐘既我地先去左睇Hofkirche (其實我真係唔知有咩特別，不過外型幾靚既，裡面就我覺得個個教堂都差唔多sosad.....)，然後就慢慢沿海邊行去Kapellbrucke。條木橋係幾靚既我覺得，連埋海邊d建築物一齊影相，張相都幾有postcard feel。聽聞Kapellbrucke座野係監獄，堅定流就唔知了。最大印象係海邊真係好多天鵝、鴨同海鷗！極有衝動拎精靈球擲佢地！ Hofkirche 真係有好多天鵝架！好想食燒鵝...... 個海d水清到望到底架~ Kapellbrucke 有少少鐘意跑景點既我拉埋同行既3個人兜埋去隔離條Spreuerbrucke。沿途經過左d市集，omg d野真係好貴，d菜完全買唔落手，連包仔都極貴。去到Spreuerbrucke，同Kapellbrucke相比之下真係一條好廢既木橋 :0) 唯一特色係條橋隔離有d類似水流裝置既野，幾特別，又影左我幾張相。 真係買唔落手啊師兄 :0) 水流裝置 (1) 水流裝置 (2) 沿住商店街既物體行番去落車既位置，附近就係Lion Monument。我睇遊記以為只係1隻細細既獅子像，屌去到先發現勁撚大！對比條橋，我覺得隻獅子像仲特別，好似d古代故事既背景咁。美中不足係，真係好多大陸人，我地只係逗留左9個字度，差唔多有10團大陸人黎影相 :0) 極撚誇張。窮撚學生既我地亦都對住獅子像食左我地既lunch，就係餅 :0).... Btw要讚一讚獅子像隔離個toilet，又新又乾淨唔駛錢之餘仲有無限廁紙，去到獅子像果到真係唔好蝕要探一探埋個廁所。 Lion Monument 上車一個半鐘車程後，2點半就到左Zurich。個旅行團俾我地9個鐘時間係依度逗留，真心都唔知點係Zurich行9個鐘..... 做足準備既我首先第1站行程就係Zurich HBF。聽聞個HBF係好大同好靚，入到去之後真心我係再次失望既，不過行到另一邊發現有個Christmas Market係HBF裡面，心情即刻好番好多！雖然d野都係好貴都係望完就算，至少都覺得幾有特色，室內Christmas Market嘛！順帶一提，車站裡面d噴水機d水係可以就咁飲，我發現味道清過德國果d水 :D 依d水可以就咁飲，清過德國果d架 :D 依個係HBF個Christmas Market裡面既水晶聖誕樹好不得了，好想摘d俾家母做手信 之後就出HBF行去Bahfhofstrasse，沿路首先衝左入Laderach依間朱古力店睇野。貴到pk望完幾眼就走左。沿路好多名店，東東話要幫老豆睇Rolex d錶既價錢，所以就入左其中一間錶行睇，so9sad貴到呢.... 最後佢mark底完價錢就走左。 冬天既歐洲太早天黑，襯天黑我地快速擊破Zurich既3個教堂景點—St.Peter Church、Grossmunster Church同Fraumunster Kreuzgang。St.Peter同Fraunmunster個教堂鐘面極大，Grossmunster Chruch就係一間好大教堂有兩座塔既建築。3間我地都冇入去 :0)就咁係出邊影1影個外型就完左。唯一堅持既係我就左去個碼頭既地方影左張有齊3個教堂既相，亦都係我覺得依個城市最靚既景，然後就冇lu。沿番條路向下行去湖邊睇景，由於天開始黑加冬天既關係，湖景唔靚到一個點，或者可能真係夏天黎會好好多，連湖邊果個好似好勁果個statue (Burkliplatz?) 都覺得不外如是，實在唔明點解d人去到Zurich都要影一影依個statue (雖然我都影左)。 突登行出碼頭影既3個教堂擺係埋一齊既景~！ 比起影Zurich既湖景，我影d雀開心d 就係依個唔知咩statue -_- 沿番Bahfhofstrasse向上轉左行去Paradeplatz，睇左1睇位於果個位置既UBS同Credit Suisse既headquarter，同Sprungli依間又係貴到買唔落手既朱古力鋪頭，就向左行打算去Migros依間超市睇下會唔會有平野買黎食。去到見關左門先醒起今日係星期6，乜鳩都會勁早關門 :0) 又凍又餓既我地唯有行番去Bahfhofstrasse。 Paradeplatz with headquarter 完全唔知點hea到11點先上車番德國既我地，去左Coop City坐係度hea，再去左M記諗住食野點知又係貴到pk (講緊百幾蚊港紙1個餐)，再去apple到鳩hea，再去另一間M記坐底食自己既乾糧，最後先捱到差唔多時間番HBF。 夜晚既Bahfhofstrasse，d燈飾幾靚既 去到HBF由於仲有個幾鐘 (diu)，再行左1行個Christmas Market。意外驚喜係有檔賣用機繡名上布製類物品既鋪頭免費係張紙到繡左我地既名然後送俾我地，真係好勁同好靚 :D 我係瑞士終於有手信 :D 曾經好想食Market裡面既Fondue，見到好似9瑞郎得1舊包仔之後，唉都係算啦。 真心間鋪d人整得又快又靚，唔係貴既話我都可能買番塊毛巾 去到10點連Christmas Market都收皮之後，我地4條友就坐左係HBF鳩等左成個鐘。期間同花生傾左都幾耐計，原來佢都幾勁仲要原來曾經收過hku既scholarship offer，只係佢reject左..... :0) 不過佢依家係德國讀書都幾好啦，同埋個人本身醒既話，去邊度讀都醒既，唔似得我 ~o~ 終於到11點，滿心歡喜去到個巴士站打算上車訓覺直到德國，你老尾唔知有咩意外，要等到12點架車到。屌那星係街吹左成粒鐘真係.... 結論係day trip我唔會再參加，依間旅行社我都唔會再join，完 :D 好彩既係巴士昏迷訓到隻豬咁，然後一直到德圖 ^0^ BTW瑞士依個城市本身都貴，所以作為窮學生既我，via依種day trip快速攻跑2個城市加1個countryside景點，其實都抵屌既.... 至少自己去交通費都唔止。用依隻day trip去又可以快速即日來回又可以好叻咁同人講我去過瑞士架！性價比.....唉都ok啦！不過都係果句，冇下次！
