壞習慣已出現，成個星期之後先寫番1個星期前既野。不過唔緊要，我就算用筆寫都會咁haha 依個星期發生左太多野，慢慢回憶番先。 上回講到24/11/2016東東話我知唔見左passport，嚇到我堂都上唔到。哥極驚要自己一個去join果個瑞士day trip，所以前一晚凌晨睇左幾個鐘遊記，mark底哂Lucerne、Zurich既景點，以免自己自由活動自己一個果陣鳩fingfing冇野做。 東東前一晚同我講，叫我幫佢手去dortmund個巴士公司office走轉，睇下會唔會係佢跌左本passport係巴士，然後車左番去office既失物認領處 (?) Stockumer Str.60 ，其實都幾鬼遠，仲要2點前就關門。Check左要係Dortmund既Brunninghausen Betriebshof站落車，仲要車程成個半鐘之後。大約11點就出左門口，預早d時間驚要搵嘛。 都幾順利就去到，只係果到真係幾大，我都唔肯定邊個先係office :0) 最後見閘門位有個counter既物體，就走左去問。用d極爛既德文同個啊叔溝通左一輪，佢既答覆係nein!tut mir leid. so9sad 我懷左悲傷既心情同東東講左巴士公司冇之後，就搵番車搭番hall，順便度下要買d咩乾糧for自己聽日個day trip食。 番去果陣見天氣幾好，心情都幾愉快，仲全程同家母瘋狂voice msg，仲講到家母話等我sem break番去同我去旅行^0^。好景不常，轉車轉到1個唔知乜春站果陣電話明明仲有33%但係自動收左皮。開機話冇電，極不安。哥憑著熄機前小小既記憶，大約記得去咩站上咩車，其實我最驚係電話關左機我冇得開張semester ticket show俾人睇，遇著俾人查飛我就真係....:0) 真心天氣真係幾好 (攝於巴士公司office巴士站) 就係影完依張相之後，電話就收左皮了~嚇到我呢 上到RB40之後，滿心歡喜可以好快落車，點知去到Bochum HBF架車遲遲都唔開，我又唔明發生咩事，電話又唔著真係極不安。最後見d乘客轉哂去對面月台架車，見架車都係去Essen HBF就拿拿林上左。最後搞左成3個鐘先番到hall...:0) (最後都唔知架車點解唔開，但係見到有救護員頂住個車門....???) 係Essen轉搭巴士果陣部電話終於開番機 (其實我懷疑係天氣太凍所以佢收左皮)，發現東東wtapps我話佢搵番passport，原來佢係學校跌左佢同學今日上堂俾番佢。屌見到果下唔知點解有d眼濕濕，可能1來終於唔駛自己去day trip，2來尋日都有幫佢睇過唔見passport再apply既手續流程，見佢終於唔駛搞果堆野，都有d安慰。 最後是但煮住個lunch俾自己食再同家母wtapps video左一陣之後，約左東東8點係Dortmund HBF等兼食dinner。家母勁擔心我去day trip，其實都只係隔離城市姐 :)。東東帶左我去食間usa pizza既野，算佢冇介紹錯啦都幾好食。佢再帶我行左一行佢之前住果間hostel之後，就去左Dortmund HBF集合lu。 真心，依間usa pizza又平又好食，近Dortmund HBF 好！瑞士day trip下篇繼續！
