今日只係上左1堂2-4pm既climate change。終於有一堂我係覺得幾有趣，除左果個鈙利亞既同學又黎搵話題同個professor討論，討論到我開始覺得煩好似搵野肴咁。 落堂走果陣個miss突然撩我講野，佢對我依家得幾度仍然可以赤腳著住birkenstock感到震驚。真心我覺得係d德國人太誇張，我真心唔覺得好凍，但係d德國人已經又羽絨又大樓又冷帽又頸巾，落雪果陣佢地點算？ 吹左輪水我就入左間韓國人開既asian market搵下有冇雞粉。最後竟然俾我搵到只售2.79euro既李錦記蠔油+豉油package！師奶心態既我問完啊媽同香港比係咪抵之後就即刻買左，開開心心咁拎住搭車番hall。 去到hauptbahnhof見到我架巴士，心諗屌走左要等4個字架咪即刻跑過去。屌那星然後我仆街 :0) 不特止我撞爆左支豉油.... 呆撚左2秒之後即刻冷靜地去左垃圾桶抽左支未爛既蠔油出黎然後成個package掉左再衝上巴士，而上左巴士之後，架巴士再停左成5分鐘先開... :0) 好撚sad好撚灰下身全部都係豉油成身都係豉油既味道。覺得自己好撚on9本身諗住好似好抵點知2.79euro淨係買左支蠔油.... :0) 番到hall即洗鞋洗腳然後打左俾娘親訴苦。係既跌爛豉油姐又唔係蠔油，我都唔會點用架啦，本身仲諗緊我冇用過係咪可以之後拎番hk依家少左個煩惱添！-_- 嬲嬲地既我即刻開左支蠔油煮飯，幾有家既味道既。 其實係好小事既不過真係好憎自己咁on9，唯有告誡自己唔好再係拎住易碎物品著左拖鞋果陣跑 :0)...... 小插曲：煮飯前我見rmmate d杯擺哂係廚房我冇位煮野食，於是就好好人咁洗哂再抹乾擺入櫃。煮緊飯果陣我rmmate番左黎然後拎左d野就出番去，到我煮完拎入房食佢番左黎。聽到水聲佢好似洗緊野我就開門同佢講我淨間會洗野啦，始終d煲鑊碟係佢我用完未洗有d唔好意思，邊有諗過我未食完佢就番黎本身諗住食完我就洗架啦嘛。我食完出房見佢坐左係廳好似切緊野咁，問左1問佢係咪用緊廚房，佢話唔係跟住我洗野啦。我發現，佢將我擺入櫃既杯拎番哂出黎擺係度，我唔知佢係嫌我洗得唔乾淨定未抹乾定點。然後我洗野果陣佢全程唔出聲，以前佢會撩我講野架嘛，令我不禁懷疑佢係咪好不滿我。sosad我都未不滿佢點解佢會不滿我先，係都我黑面先啦。如果佢真係咁唔鐘意我用佢d野佢當初就唔好話叫我隨便用啦，如果真係咁就嬲佢個人都幾假。越諗越嬲既我忍唔住inquiry左hall果邊可唔可以轉房，還店佢條女日日上黎我都覺得好騷擾已經好想轉房。成個廚房擺哂佢自己d野我冇位擺野然後你話可以用你d野然後用你d野你又黑我面，有時仲要俾佢話埋d無聊野，咩薯仔唔好擺係台俾太陽曬住會發芽會有毒，dllm你果堆擺左入櫃既薯仔就黎生花添啦on9，真係覺得好委屈，唔想再忍依個垃圾rmmate，一個月都未夠就show哂d真面目出黎WTF。 後日就去zurich啦，其實係聽晚出發。點知今日上上下堂東東sd msg同我講佢唔見左passport，我震驚到即刻專心唔到上堂。首先佢唔見passport姐係意味住個zurich day trip得我自己1個去，其次下個月仲買左機票去法國.... sosad 唉聽日會幫佢去巴士公司問下，希望會有佢本passport啦。依件事令到我突然發現，passport唔見左真係幾大獲，大獲過我跌爛豉油....... (廢話) 希望自己去zurich果陣可以冇穿冇爛咁番黎啦。網又上唔到景點又未搵sosad。啊！應該係希望佢可以同我一齊去zurich啦 so9sad
