星期3係每星期最忙既一日。難得我依科頹科逢星期3係要上6個鐘3堂既compulsory course既，所以亦都意味著星期3係全星期唯11日最齊人同可以對住d同學最耐既一日。 尋日無啦啦有個同學係我地program 既fb page發起類似聯署既活動，話覺得d老師教既方式唔太好，個program既organization唔太好。佢地類似同左另1科elective既professor反映然後果個professor幫佢地同左program leader講，所以佢地依家有個機會可以收集意見同program leader反映。 然後今日第1堂交接落第2堂果陣，兩個program leader (我program分左art同science2邊所以有2個program leader)一齊出現左叫我地直接表達自己有咩意見。 老實說尋日係度碌fb睇佢地up乜佢地大約想要既野係希望上堂有多d discussion，唔好就咁掉d圖同literature出黎又唔解釋果類野啦。今日上第1堂果陣明顯地發現佢地係瘋狂舉手發表意見既。而由於我依科唔知點解好鐘意拎china出黎做例子，次q次提china d人都會望我有咩反應，今日仲要有個同學 (極outgoing既鈙利亞同學 早知唔坐佢前邊 佢瘋狂發言d人瘋狂望過黎我真係有d不安) 拍我叫我應該發表下意見 :0)。 依d經歷搞到program leader走黎問我地意見果個moment我極不安，我又坐得前又坐得中間真係祈禱千祈唔好問我。我d同學又真係keep住發表佢地既意見，就連果個幾靚仔獨來獨往既我到依家都唔知究竟係local定international student既鬼仔同學都有舉手講2句。都係果3篤屁啦想上堂有多d discussion。有人顛到仲提出話想轉房因為依間房個格局好難encourage到discussion。我真係心諗.... 睇黎我真係慣左hk既大學風格 :0) 就咁mass lecture坐底聽完就走咪幾好....睇黎我之後上堂都要備定課預左自己要發表意見 :0)..... 唔知好事定唔好事，今日晏晝4點-6點果堂取消左。但係哥真係太肚餓所以一落堂，我又唔sure d同學會唔會去mensa食lunch所以就自己一支箭跑左去食。自己1條毒撚食完準備走先發現我d同學竟然坐哂係我後幾台果張台到食緊野！果張台仲要係我頭先疑惑緊應該坐依張定果張既台！姐係話如果我頭先揀左果張台既話！我就可以同佢地1齊lunch！其實上次我自己係度食lunch果陣，已經有個同學走黎話叫我可以坐埋去同佢地一齊食。所以歸根究底其實都冇得賴既....係我自己真係內向到一個點。我應該落堂果陣yo下d同學食唔食lunch架嘛！而且諗諗下，今日上堂果個中東同學叫我發表意見既topic就係data collection同樓價高依d香港熱門topic，其實我真係應該要講2句刷下存在感既。可能未衝破到自己講英文既關口掛.....唉=_= 今日番hall果陣諗左好耐，其實果個鈙利亞同學都係用英文同其他local溝通姐。姐係唔識德文唔係理由啦，最大原因就係自己唔夠outgoing。sosad加油啊下星期3要努力d啊。 今晚決意要溫一溫聽日果堂climate change既野，廢時好似上星期咁俾果個miss笑9我做咩要過黎依邊讀書。有時間既話要睇埋Zurich d景點同兌瑞士法郎既野，prepare下今個星期6個day trip先。跟住就應該.....啊..睇下本literature囉可能:0) BTW今日跑去食lunch果陣竟然係campus見到我rmmate同佢條女，扮左野nice走左去佢面前同佢say左個hi。佢竟然行住咁hi番我就走左 :0) 其實正常反應黎掛但係唔知點解個心好唔舒服，可能本身預佢會停底同我9up 2句先走。明明之前見佢撞到佢d fd都係會9up下。話唔定可能佢都好不滿我 -_-。fine 垃圾rmmate食屎啦。
