本身掙扎左好耐到底用實實在在既日記簿寫底黎到依度每日發生既事定用網上日誌好，因為一個朋友叫我online寫，好啦就試下用網上日誌啦還店我依邊既生活應該唔會多姿多采到日日都有野發生日日都有野寫。間唔中發生d咩事之後係度record都ok掛。希望依個blog唔會好似xanga咁寫寫下就收左皮依家連想login番黎望下都唔得 :0)或者應該係希望我會堅持落去有d咩都會record係度。 原來已經黎左3個星期。so far到依家仲係覺得所有野好唔真實，plan左成年過黎讀書既大計終於實行左。但係黎到依邊之後發現所有野都同想像中差太遠，學校啦同學啦個垃圾rmmate啦blablabla。真心黎到頭一個星期心情低落到一個極點，瘋狂後悔點解我會走左過黎係hk做下港豬都幾開心啊，極想即刻買機票飛番香港但係已經洗濕左個頭。好彩依家感覺還好啦叫d野上左軌道既(其實仲未有銀行戶口連registration都未搞店到底我stay緊既city有幾on9)。依家最大心願係個人唔好太得閒等我唔好胡思亂想同識到新朋友就好啦！可能真係個人天生太毒黎到依到wtapps number都未轉做德國電話因為根本就冇人問我拎電話同wtapps :0) 唉快d有fd啦唉唉唉。日日自己一個所有野都要自己面對咩都自己搞真係好lonely好sad。仲要就黎聖誕！想逼死誰 :( 要record依度有d咩係理想與現實，首先係外國既生活。個人真係睇得太多歐美劇以為外國識fd係yo兩yo就會有一堆，現實係d同學可能走黎同你用英文講2句野問下你咩名之類就會走開然後繼續用德文同自己d local同學傾計。都岩既我又唔識德文唔通會同我慢慢用英文吹水咩。 其次係我讀緊既依一科，又話international program點知local student佔3分2係咩玩法。如果大家都係international student既話大家都suppose係隻身黎讀書，識fd就應該唔難既但係全部local咁滯.... :0) 媽啊好難融入啊。有時都幾羨慕我另一個係德國讀書既fd，佢果科全部人都係international student，順利成章就好易埋堆。當然我都可以賴落我visa遲左成個月依件事上，如果我唔係遲左2個星期先黎到開學，可能我會易d埋堆掛。唉我個city真係好on9。 另外就係住hall生活，以為會好多姿多采好似hk咁點知原來個個都各自為政。以為我rmmate係好人啦頭一個星期又借野俾我又帶我出去買野。相處落發現都唔知一開頭係咪想博我好感討好我等我唔會踼爆佢晚晚帶佢條女上黎過夜，佢個人都幾假同小家。口就會我d野你隨便拎去用啦，背後將d野收番哂入自己房 :0) 我唔係想佔你便宜但係你一開頭講清講楚唔好咁假會好d囉。個人又污糟用完廚房d野又唔洗然後竟然用垃圾英文打篇文黎話我用完個廁所成地水叫我清，你老尾你同條女係廁所鴛央戲水完成地水我都未話你啦。不過算我忍多1排觀望下之後佢仲有咩垃圾小動作。 student hall真係好煩規定左一租就要租1個sem姐係半年，睇下有冇機下個sem搬走啦唉。個hall又格攝又遠番學又麻煩要成半個鐘車程轉2次車，夜晚行車站至hall條路仲要行成3個字又黑又靜，唉shit點解學校hall都可以咁唔方便。 最後真心覺得我讀緊依科有d伏。希望之後會發現依科有趣既地方啦，唔係浪費左2年真係會覺得自己係大傻仔。 其實最大原因trigger我寫日記係我之後應該會去其他地方旅行既。真係好想仔細地寫底去每個地方做過d咩發生過d咩。理想係番hk前可以去哂europe d國家 :D (就咁一日來回影張相打個卡都算去過) 聽朝其實有10點堂都係早d訓。唉祝自己一切都順順利利啦。希望我堅持到啦 :) btw發現用網上日記最煩係唔可以開我fd d 名 haha 不過唔緊要啦應該冇人知我真身係邊個既應該唔會有人睇既~可能之後打打下就忍唔住開哂名 :D
