疫情關係都好少外出食飯,但適逢家姐生日,當然要食好西啦!見到網上介紹了銅鑼灣一間食評不錯的意大利餐廳就決定試試。當天晚上6:30到達,我們三人是第一枱食客。服務員態度親切,為我哋介紹餐牌上嘅食物。結果我哋三人點了7碟食物,開始大胃王之旅 ^_^首先來了一碟香烤凱撒沙律🥗 沙律加入了煙肉粒、巴馬臣芝士碎,魚柳,伴入香脆麵包粒,好有咬口,蔬菜好fresh,加入黑胡椒同沙律汁,將味道層次昇華,酸咪咪好開胃,唔錯!鴨腿肉意大利飯 鴨肉肉質鮮嫩多汁,加上鴨皮烤到脆脆地,非常甘香可口;意大利飯好creamy,煙靭有嚼勁,濃稠的忌廉汁夾雜著磨菇粒,成件事好夾!這碟三人分,份量剛剛好,唔會太漏。燒烤慢煮牛舌👍🏼👍🏼👍🏼 重點推介:呢度小食真係超超超好味!重要既嘢要講三次!牛舌好厚身啖啖肉好有咬口,外面燒得焦脆香口,裡面肉嫩多汁又淋身,面頭淋上芥辣蛋黃醬,超級惹味!絕對有驚喜!后來仲encore點多一碟~法國慢烤春雞 春雞細細隻外皮夠香口,烤到金黃色脆皮乾身,感覺唔油膩,但雞肉味偏淡,加埋伴碟新鮮配菜一齊食,都不錯菠菜芝士意大利餃 餃子大大隻,波菜芝士好濃味,加埋上面覆蓋的意大利肉醬酸咪咪唔錯,但嫌皮略厚了一點,感覺好飽肚,不可多吃提拉米蘇拼鬼佬油炸鬼香蕉船😍 這個甜品不得了喇~提拉米蘇做得好出色,cream cheese幼滑,蛋糕鬆軟,入口即溶,每口都滲透著香濃咖啡酒味,面頭灑上香濃可可粉,甜而不漏恰到好處。(落單前同職員說了想加「Happy Birthday 」在碟上,錦上天花🥰)當晚餐廳人不多,我哋坐足兩個幾鐘,非常輕鬆,有機會一定會再去~ Lo Spazio銅鑼灣恩平道42號亨利中心7樓